გერმანია ქაბულში სამხედრო თვითმფრინავებს გზავნის
1629030623
გერმანია ავღანეთში მყოფი გერმანიის მოქალაქეების და ავღანელების ევაკუაციისთვის „A400M“ ტიპის სამხედრო თვითმფრინავებს გზავნის, - ამის შესახებ „როიტერი“ იუწყება.
გერმანიის თავდაცვის სამინისტროს ინფორმაციით, თვითმფრინავის ბორტზე სადესანტო დანაყოფის 30 ჯარისკაცი იქნება განთავსებული.
მედიის ინფორმაციით, თვითმფრინავები უზბეკეთის დედაქალაქ ტაშკენტის აეროპორტში დაეშვებიან. ევაკუაციის გეგმა საგანგებოდ იქნა მომზადებული.
ამ დროისთვის ქვეყნის 34 ადმინისტრაციული ცენტრიდან 23 რადიკალური დაჯგუფების ხელშია. არსებული საფრთხის გამო, აშშ-მა საკუთარი საელჩოდან პერსონალის ევაკუაცია დაიწყო, რომელთა უსაფრთხო გამოყვანისთვის აშშ-ის პრეზიდენტმა ქვეყანაში ხუთი ათასზე მეტი სამხედროს გაგზავნის გადაწყვეტილება მიიღო.
შეგახსენებთ, 15 აგვისტოს„თალიბანმა“ ავღანეთის დედაქალაქ ქაბულზე შეტევა დაიწყო.
