პოლიტიკა

ვახტანგ ძაბირაძე: ოპოზიციისთვის ქუჩაში დარჩენა წამგებიანი იქნება

პოლიტიკური ექსპერტი
1606141717
დაკოპირებულია

ექსპერტი ვახტანგ ძაბირაძე PIA.GE-სთან ქვეყანაში არსებულ პოლიტიკურ მოვლენებს აფასებს. 

ვახტანგ ძაბირაძის შეფასებით, პარლამენტი, სამართლებრივი თვალსაზრისით, სრულიად ლეგიტიმური იქნება. პოლიტიკურად კი, ქვეყანაში რთული ვითარებაა.

„მივიღეთ ასეთი რთული ვითარება, როდესაც ოპოზიცია პარლამენტში არ შედის. თუმცა, მეორეს მხრივ, სამართლებრივი თვალსაზრისით, პარლამენტი სრულიად ლეგიტიმურია. სრულფასოვან მუშაობას დაიწყებს, თუმცა, ოპოზიცია თუ არ შევა, კონსტიტუციურ შესწორებებს ვერ მიიღებს. მიმდინარეობს მოლაპარაკებები, იმედი მაქვს, ამას შედეგი მოჰყვება“,- აღნიშნა ვახტანგ ძაბირაძემ.

ექსპერტი მიიჩნევს, რომ ოპოზიცია წარმატებული ვერ იქნება, თუ ის ქუჩაში დარჩება და საკანონმდებლო ორგანოში არ შევა.

„ჯობია, ოპოზიცია პარლამენტში შევიდეს და იქიდან გააგრძელოს როგორც ქუჩის აქციები, ისე პარლამენტზე ზეწოლა.

ზოგადად ოპოზიციამ, ამ ერთი თვის განმავლობაში საკმაოდ ნოყიერი ბაზა შექმნა იმისთვის, რომ იბრძოლოს როგორც სამართლებრივი, ისე ქუჩის პროტესტის გზით, თუ ერთ-ერთი მათგანი არ იქნება, მე მგონი ეს ოპოზიციისთვის უფრო წამგებიანი იქნება.

რა თქმა უნდა ერთპარტიული პარლამენტი ცუდად ჩანს და ცუდად ჟღერს, მაგრამ ამით ქვეყანა არ იქცევა. პრობლემა მხოლოდ ის კი არ არის, რომ ერთპარტიული პარლამენტი იქნება, პრობლემა ისაა, რომ ძალიან რთულ ვითარებაშია ქვეყანა, ყველა მიმართულებით და ვერ ვხედავ იმის რესურსს, რომ „ქართული ოცნება“ შეძლებს ამ მძიმე ვითარებაში სწორად გაუძღვეს ქვეყანას და არ მივიდეთ ძალიან კრიზისამდე“,- განაცხადა ვახტანგ ძაბირაძემ.

მოსალოდნელია თუ არა ხელახალი არჩევნები?

ექსპერტის თქმით, თუ ოპოზიცია არ შედის პარლამენტში, ხელახალი არჩევნების ჩატარების არგუმენტი არ არის.

„თუ რიგგარეშე არჩევნებზეა ლაპარაკი, აქ ლაპარაკი უნდა იყოს კომპრომისზე. იმის გამო, რომ ოპოზიცია პარლამენტში არ შედის და ითხოვს რიგგარეშე არჩევნებს, თან ისე, რომ ოპოზიცია ქუჩაში დარჩეს და ხელისუფლებამ რიგგარეშე არჩევნები ჩაატაროს, ამის არგუმენტაციას უბრალოდ ვერ ვხედავ. ასეთ შემთხვევაში, ხელისუფლების უკან დახევად კი არა, დამარცხებად იქნება აღქმული. შესაბამისად, ხელისუფლება ასეთ ნაბიჯზე არ წავა.

კომპრომისის შემთხვევაში - თუ ოპოზიცია შედის პარლამენტში, შემდეგ რიგგარეშე არჩევნებზე თანხმდებიან, ეს გაზაფხულზეა შესაძლებელი.

საკანონმდებლო სივრცეში ხვრელების ამოვსება, ცესკოს დაკომპლექტება ახალი წესით და ახალი პერსონალით - ამაზე თუ შეთანხმდებიან, ელჩების გარანტიით, ალბათ ეს მომავალი წლის შემოდგომამდე ვერ მოესწრება“,- განაცხადა ვახტანგ ძაბირაძემ.

რაც შეეხება ოპოზიციის პროტესტს არჩევნების გაყალბებასთან დაკავშირებით...

„არ მგონია, რომ ეს არჩევნები კატასტროფულად განსხვავდებოდა სხვა, წინა არჩევნებისგან“,- აღნიშნა ვახტანგ ძაბირაძემ.

მისი თქმით, „ქართული ოცნება“ თავიდანვე უნდა დათანხმებოდა ოპოზიციის მოთხოვნას ხმების გადათვლასთან დაკავშირებით.

„ხელისუფლება უნდა ყოფილიყო უფრო მოქნილი. ათასივე უბანი უნდა გადათვლილიყო, თუ ამის საჭიროება იქნებოდა, მაგრამ არა მერე, როდესაც ირაკლი კობახიძემ განაცხადა, არამედ მაშინ, როდესაც ოპოზიცია ითხოვდა - გადავთვალოთო. ეს უნდა მომხდარიყო ძალიან გამჭვირვალედ.

ახლაც რომ შეიქმნას საგამოძიებო კომისია, რომელიც უბანს შეისწავლის, თუ გულწრფელად მიხედავ ამ საქმეს, გაარკვევს, მართლა მოხდა თუ არა გაყალბება. ეს ყველაფერი შესაძლებელია“,- განაცხადა ვახტანგ ძაბირაძემ.

ინფორმაციისთვის, 2020 წლის საპარლამენტო არჩევნების შედეგად პარლამენტში მოსახვედრად, 1%-იანი ბარიერი 9 პოლიტიკურმა პარტიამ გადალახა. უმრავლესობა „ქართულმა ოცნებამ“ მოიპოვა. ოპოზიცია არჩევნების შედეგებს არ აღიარებს და გაყალბებაზე საუბრობს. მათ, საპარლამენტო მანდატებზე უარი განაცხადეს და ხელახალი არჩევნები მოითხოვეს. არჩევნების მეორე ტურსაც ბოიკოტი გამოუცხადეს.

აგრეთვე წაიკითხეთ:👇

📑ზაალ უდუმაშვილი: ახლა ხელისუფლებისგან ველოდებით გარკვეულ წინადადებებს

📑ევროკავშირის წარმომადგენლობა: მოვუწოდებთ პარლამენტის წევრებს, გამოიყენონ მათთვის მინიჭებული მანდატები

📑კარლ ჰარცელი: აუცილებელია საქართველო მივიდეს სრულფასოვანი პარლამენტის ჩამოყალიბებამდე

ბავშვის დაკავება რუსეთში

რუსეთში აქციაზე ბავშვი დააკავეს (ვიდეო)

რუსეთის დედაქალაქ მოსკოვში ალექსეი ნავალნის მხარდამჭერთა აქციაზე ბავშვი დააკავეს. შესაბამისი ვიდეო სოციალურ ქსელებში გავრცელდა. 

საქართველოში დღეს მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისქვეშა ბიძგები თბილისის დროით 17:27 საათზე, წალკიდან სამხ-დასავლეთით 16 კმ-ში, სოფელ მამიშლართან, დაფიქსირდა.

მათივე ინფორმაციით, ბიძგების სიმძლავრემ 3.0 (ML) მაგნიტუდა შეადგინა.

1611409920

ცნობილი ტელეწამყვანი ლარი კინგი 87 წლის ასაკში გარდაიცვალა. ამის შესახებ ინფორმაციას მისი ნათესავები ავრცელებენ. 

1611408793

ფლორენციული რენესანსის მხატვრის სანდრო ბოტიჩელის იშვიათი პორტრეტი აუქციონზე იყიდება.

1611408000

რუსეთში საპროტესტო აქციაზე ალექსეი ნავალნის მეუღლე იულია ნავალნაია დააკავეს. ამის შესახებ „Meduza” იუწყება. 

1611407127
აფეთქება ღაზას სექტორში

ღაზას სექტორში მომხდარი აფეთქების შედეგად 20...

ღაზას სექტორში მომხდარი ძლიერი აფეთქების შედეგად 20 ადამიანი დაშავდა. დაზიანებულია რამდენიმე შენობა. ამის შესახებ “ანადოლუ“ იუწყება. 

ბაიდენმა პრეზიდენტის რანგში სხვა ქვეყნის...

აშშ-ის პრეზიდენტად ინაუგურაციის შემდეგ ჯოზეფ ბაიდენმა უცხო ქვეყნის ლიდერთან პირველი სატელეფონო საუბარი გამართა. ამის შესახებ whitehouse.gov იუწყება. 

არჩილ თალაკვაძე: საზოგადოებისთვის გაუგებ...

„ამ არჩევნებმა გააჩინა სივრცე, ახალი პოლიტიკური პარტიებისთვის, რომ ისინი შემოვიდნენ პარლამენტში და საზოგადოებისთვის გაუგებარი იქნება, თუ უმანდატო ოპოზიციონერებმა მანდატები დაუხიეს იმ ოპოზიციონერ პოლიტიკოსებს, რომლებმაც მხარდაჭერა მიიღეს, რომ შესულიყვნენ პარლამენტში“,- ამის შესახებ საქართველოს პარლამენტის თავმჯდომარემ ჟურნალისტებთან საუბრისას განაცხადა.

იტალიაში 31 წლის ქართველი მამაკაცი გარდა...

იტალიაში, ქალაქ სალერნოს ცენტრში მდებარე ერთ-ერთ სოლარიუმში საქართველოს მოქალაქე გარდაცვლილი იპოვეს.