ნიკა მელიას მხარდასაჭერად ოპოზიცია ავტომობილებით მსვლელობას მართავს
1614165902
„ნაციონალური მოძრაობის“ თავმჯდომარის ნიკა მელიას მხარდასაჭერად ოპოზიცია რუსთავისკენ ავტომობილებით მსვლელობას მართავს.
რამდენიმე ათეული მანქანისგან შემდგარი ავტოკოლონა რესპუბლიკის მოედნიდან დაიძრა და რუსთავის N12 პენიტენციური დაწესებულებისკენ მიემართება, სადაც ნიკა მელია იმყოფება.
„ნაციონალური მოძრაობის“ წევრების განცხადებით, ისინი გუნდის წევრს გასაჭირში არ მიატოვებენ და ნიკა მელიასთვის ციხეში წიგნებიც მიაქვთ.
მათი თქმით, საერთაშორისო პარტნიორებთან გაგრძელდება მუშაობა პოლიტპატიმრების გასათავისუფლებლად და პროტესტი ხელისუფლების წინააღმდეგ გაგრძელდება.
შეგახსენებთ, რომ ნიკა მელია „ნაციონალური მოძრაობის“ ოფისში 23 თებერვალს დააკავეს.
მას გამოძიება 2019 წლის 20-21 ივნისის საპროტესტო აქციის დროს ჯგუფური ძალადობის ორგანიზებას, ხელმძღვანელობასა და მასში მონაწილეობას ედავება.
აგრეთვე წაიკითხეთ:
აშშ-ის სახელმწიფო დეპარტამენტი: შეერთებული შტატები ღრმად შეშფოთებულია ნიკა მელიას დაკავების გამო
მეთიუ ბრაიზა: ჯერჯერობით, ერთადერთი გამარჯვებული არის რუსეთი
