ევროკავშირში Pfizer-ის ვაქცინის მიწოდება დაგეგმილს 30%-ით ჩამორჩება - Reuters
1613568628
ევროკავშირის სახელმწიფოებში კომპანია Pfizer-ის ვაქცინის მიწოდება დაგეგმილ ვადებს 30%-ით ჩამორჩება. ამის შესახებ Reuters იუწყება.
ევროკავშირის ოფიციალური პირების ინფორმაციით, Pfizer-მა COVID 19-ის საწინააღმდეგო ვაქცინის 10 მილიონი დოზა ამ დრომდე არ მიაწოდა, რაც ჯერ კიდევ დეკემბერში უნდა მომხდარიყო.
ამ ინფორმაციის მიხედვით, Pfizer-ის ვაქცინის მიწოდების შეფერხება ევროკავშირს პრობლემებს შეუქმნის, ვინაიდან მიწოდების ვადები მანამდე ბრიტანულ-შვედური AstraZeneca-ს და ამერიკული Moderna-ს შემთხვევაშიც დაირღვა.
კომპანია Pfizer-მა თებერვლის შუა რიცხვებისთვის ვაქცინის 23 მილიონი დოზა მიაწოდა, რაც დაგეგმილზე 10 მლნ დოზით ნაკლებია.
ამ ფაქტთან დაკავშირებით კომპანია Pfizer კომენტარს არ აკეთებს, ვინაიდან, მათი თქმით, ეს „კონფიდენციალური ინფორმაციაა". ევროკავშირის ერთ-ერთმა წარმომადგენელმა Reuters-ს აცნობა, რომ კომპანიამ დარჩენილი ვაქცინების მარტის ბოლომდე მიწოდების პირობა დადო.
იხილეთ აგრეთვე:
⛔ ზაზა წერეთელი: მნიშვნელოვანია, რომ ვაქცინების წარმოება გაიზარდოს
⛔ ჩინეთში კაცი დააკავეს, რომელიც ვაქცინის ამპულებში მინერალურ წყალს ყიდდა
