ისრაელის პრემიერ-მინისტრმა ზელენსკის ურჩია, რომ პუტინს დანებდეს - მედია
1647075126
ისრაელის პრემიერ-მინისტრმა ნაფტალი ბენეტმა უკრაინის პრეზიდენტ ვოლოდიმირ ზელენსკის ურჩია, რომ რუსეთს დანებდეს, - ამის შესახებ The Jerusalem post იუწყება.
უკრაინის მთავრობაში მყოფი ოფიციალური პირის თქმით, 8 მარტს გამართული სატელეფონო საუბრისას ბენეტმა ზელენსკის უთხრა, რომ ომის დასრულების შესახებ გაკეთებული პუტინის შეთავაზება უნდა მიიღოს. ზელენსკიმ ისრაელის პრემიერ-მინისტრს უარი განუცხადა.
„შენს ადგილას რომ ვიყო, ჩემი ხალხის სიცოცხლეზე ვიფიქრებდი და შემოთავაზებას მივიღებდი“, - უთხრა ბენეტმა ზელენსკის.
„ბენეტმა გვითხრა, რომ დავნებდეთ. ჩვენ არ გვაქვს განზრახული ამის გაკეთება“, - აღნიშნა ოფიციალურმა პირმა.
შეგახსენებთ, ისრაელის პრემიერ-მინისტრი 8 მარტს მოსკოვში პუტინს შეხვდა, რამდენიმე საათში კი ზელენსკის დაურეკა.
განახლება: ინფორმაციის გავრცელებიდან რამდენიმე საათში ისრაელმა აღნიშნული ფაქტი უარყო.
აგრეთვე წაიკითხეთ: 👇
✔️ უკრაინელებმა ბაირაქტარით მტრის საკონტროლო პუნქტი გაანადგურეს (ვიდეო)
✔️ ნიკოლაევის ტერიტორია იბომბება
✔️ რუსული ნავთობი და გაზი რუსულ ხომალდს უკან მიჰყვება - „უნიანი“
✔️ რუსულმა თვითმფრინავებმა ბელარუსის ტერიტორია დაბომბეს
✔️ რას მოითხოვს რუსეთი უკრაინისგან? - მედია
