პუტინი გავლენას კარგავს - პოდოლიაკი რუსულ ელიტაში განხეთქილებას პროგნოზირებს
1669192623
რუსეთი წააგებს ომს და იძულებული იქნება განაახლოს თავისი პოლიტიკური ელიტა. ერთ-ორ თვეში კრემლში, შესაძლოა, დაძაბული კონფლიქტები წარმოიშვას, - ამის შესახებ უკრაინის პრეზიდენტის ოფისის უფროსის მრჩეველმა მიხაილო პოდოლიაკმა განაცხადა.
მას მიაჩნია, რომ რუსეთის პრეზიდენტის ვლადიმერ პუტინის გავლენის დაკარგვის ფონზე, კრემლში ახალი მოთამაშეები ჩნდებიან, მათ შორისაა „ვაგნერის PMC“-ს შემქმნელი ევგენი პრიგოჟინი და რუსეთის უშიშროების საბჭოს მდივანი ნიკოლა პატრუშევი.
„ისინი თანდათან იღებენ ინიციატივას“, - აცხადებს პოდოლიაკი.
მისი თქმით, რუსეთს პოლიტიკური ტრანსფორმაცია ელის.
„რუსულ ელიტაში აუცილებლად იქნება განხეთქილება, მეორე - რუსეთის ფედერაცია აუცილებლად გაივლის შიდა პოლიტიკურ ტრანსფორმაციას, სხვა გზა არ არის, აგებს ომს და იძულებული იქნება განაახლოს მისი პოლიტიკური ელიტა“, - დასძინა პოდოლიაკმა.
პოდოლიაკმა აღნიშნა, რომ ელის დაძაბულ კონფლიქტებს, პუტინის გავლენის დაკარგვას და რუსეთში შიდა დიალოგს იმის შესახებ, თუ როგორ გამოვიდეს ამ ომიდან, რათა სამუდამოდ არ დაკარგოს რუსული სახელმწიფოებრიობა.
„ეს არის მთავარი დღის წესრიგი, რომლითაც რუსეთის ფედერაცია იცხოვრებს ფაქტობრივად ერთ-ორ თვეში“, - განაცხადა უკრაინის პრეზიდენტის ოფისის უფროსის მრჩეველმა.
აგრეთვე წაიკითხეთ:
👉 პანიკა ყირიმში და თავდაცვა დონბასში - საბრძოლო რუკები
👉 უკრაინის ხელისუფლება ტყვედ ჩავარდნილი რუსი მებრძოლების დახვრეტის ბრალდებას გამოეხმაურა
