როგორ დაესხა თავს რუსეთი უკრაინას - უკრაინის შეიარაღებული ძალების გენერალური შტაბის განცხადება
1645683948
უკრაინის შეიარაღებული ძალების გენერალური შტაბი განცხადებას აქვეყნებს, რომელშიც აღწერილია, თუ როგორ დაიწყო რუსეთმა სამხედრო ოპერაცია.
„დღეს, 24 თებერვალს, 05:00 საათზე, რუსეთის ფედერაციის შეიარაღებულმა ძალებმა დაიწყეს ჩვენი ქვედანაყოფების ინტენსიური დაბომბვა აღმოსავლეთში. განხორციელდა სარაკეტო თავდასხმები ბორისპოლის, ოზერნის, კულბაკინის, ჩუგუევის, კრამატორსკის, ჩერნობაევკას აეროდრომებზე, ასევე უკრაინის შეიარაღებული ძალების სამხედრო ობიექტებზე.
პარალელურად, აგრესორმა დაიწყო უკრაინის ტერიტორიისა და სახელმწიფო საზღვრის გასწვრივ დასახლებული პუნქტების დაბომბვა. უკრაინის შეიარაღებული ძალების საჰაერო ძალებმა მოიგერიეს დამპყრობლის საჰაერო თავდასხმა. სახელმწიფოს თავდაცვის ძალები სრულ საბრძოლო მზადყოფნაში არიან და იკავებენ თავდაცვით პოზიციებს. სიტუაცია კონტროლს ექვემდებარება“, - ნათქვამია ანგარიშში.
შეგახსენებთ, რამდენიმე საათის წინ რუსეთის პრეზიდენტმა ვლადიმერ პუტინმა დონბასში სამხედრო ოპერაციის დაწყების შესახებ განაცხადა.
ამავე თემაზე:
🔴 კიევი ფრთოსანი და ბალისტიკური რაკეტებით იბომბება - ჟურნალისტი
🔴 პუტინმა ომის გზა აირჩია - ბაიდენი
