რუსებმა ლვოვში სამშვიდობო და უსაფრთხოების საერთაშორისო ცენტრზე 8 რაკეტა გაისროლეს
1647151866
რუსებმა საჰაერო იერიში მიიტანეს ლვოვის რეგიონში სამშვიდობო და უსაფრთხოების საერთაშორისო ცენტრზე. (უკრაინის სახმელეთო ჯარების ყოფილი იავორის პოლიგონი). ამის შესახებ ინფორმაციას უკრაინული მედია UNIAN ლვოვის სამხარეო სამოქალაქო-სამხედრო ადმინისტრაციის მიერ ტელეგრამში გავრცელებულ განცხადებაზე დაყრდნობით წერს.
„წინასწარი მონაცემებით, 8 რაკეტა გაისროლეს. მსხვერპლის შესახებ ინფორმაცია დგინდება“, - განაცხადა ლვოვის რეგიონალური სამხედრო ადმინისტრაციის ხელმძღვანელმა მაქსიმ კოზიცკიმ.
მანამდე გავრცელდა ინფორმაცია, რომ ლვოვში საჰაერო განგაში იყო გამოცხადებული. რაიონულ ცენტრში ორი ძლიერი აფეთქება გაისმა.
უკრაინაში რუსეთის შემოჭრის შემდეგ აფეთქებები ლვოვის რაიონში პირველად გაისმა.
აგრეთვე წაიკითხეთ: 👇
✔️ლუგანსკის რაიონში რუსებმა ფოსფორის საბრძოლო მასალა გამოიყენეს (ვიდეო)
✔️ უკრაინელმა სამხედროებმა რუსული ძალების სამეთაურო პუნქტი გაანადგურეს (ვიდეო)
✔️პუტინის გადაყენება საკმარისი იქნება უკრაინაში ომის დასასრულებლად - დმიტრო კულება
