რუსებს ბახმუტის ალყაში მოქცევა სურთ - ბრიტანული დაზვერვა
1670065365
რუსებს ბახმუტის ალყაში მოქცევა სურთ, - ამის შესახებ დიდი ბრიტანეთის თავდაცვის სამინისტროს ანგარიშშია აღნიშნული.
დაზვერვა აღნიშნავს, რომ ბახმუტისთვის ოთხთვიანი სასტიკი ბრძოლების მიზეზი პოლიტიკური ამოცანაა.
„რუსული ძალები აგრძელებენ თავიანთი საცეცხლე საშუალების დიდი ნაწილის დონეცკის ოლქის ქალაქ ბახმუტის გარშემო ფრონტის ხაზის დაახლოებით 15 კილომეტრის სიგრძის სექტორზე განთავსებას“, - აცხადებენ ბრიტანულ დაზვერვაში.
ბრიტანეთის თავდაცვის სამინისტროს ცნობით, ბოლო დღეებში რუსეთმა, სავარაუდოდ, მცირე წინსვლას მიაღწია სამხრეთ ღერძზე და, სავარაუდოდ, გეგმავს ქალაქის ალყაში მოქცევას.
„2022 წლის აგვისტოს დასაწყისიდან რუსეთისთვის ბახმუტი პრიორიტეტს წარმოადგენს. ქალაქის აღება პოტენციურად საშუალებას მისცემს რუსეთს, საფრთხე შეუქმნას კრამატორსკის და სლოვიანსკის უფრო დიდ ურბანულ ტერიტორიებს“, - აღნიშნავენ ბრიტანეთის თავდაცვის უწყებაში.
მათი თქმით, არსებობს რეალური შესაძლებლობა, ბახმუტის ხელში ჩაგდება რუსეთისთვის უპირველეს ყოვლისა სიმბოლურ, პოლიტიკურ მიზნად იქცა.
აგრეთვე წაიკითხეთ:
👉 რუსებს ესმით, რომ კრემენაიას ვერ დაიკავებენ - გაიდაი
👉 უკრაინელებმა ლისიჩანსკისა და კრემენაიას მიმართულებით წარმატებას მიაღწიეს - სერგეი გაიდაი
👉 ბოლო დღეებში უკრაინელმა დიპლომატებმა 12 ქვეყანაში რუსეთისგან 18-ჯერ მიიღეს მუქარა - დმიტრო კულება
