უკრაინის შეიარაღებული ძალები დაწინაურდნენ კრემენაიას სამხრეთით და გააძლიერეს კონტრშეტევა ფრონტის მთელ ხაზზე - ISW
1670051247
უკრაინის შეიარაღებულმა ძალებმა გარღვევა მოახდინეს კრემენაიას სამხრეთ-დასავლეთით და ჩრდილო-დასავლეთით, - ამის შესახებ ომის შესწავლის ინსტიტუტი (ISW) უკრაინულ და რუსულ წყაროებზე დაყრდნობით იტყობინება.
ცნობილი რუსი ბლოგერის თქმით, უკრაინის შეიარაღებული ძალები ოდნავ დაწინაურდნენ კრემენაიას სამხრეთით და მიაღწიეს ჩერვოპოპივკას გარეუბანს. გარდა ამისა, უკრაინელმა ჯარისკაცებმა გააძლიერეს კონტრშეტევა ფრონტის მთელ ხაზზე და სვატოვე - კრემენაიას გზატკეცილის მიდამოებში.
ომის შესწავლის ინსტიტუტის მოხსენებაში ნათქვამია, რომ ოკუპანტებმა განაგრძეს მინიმალური წინსვლა ბახმუტის ოლქში და განახორციელეს შეტევითი მოქმედებები ავდიივკა-დონეცკის რაიონში. სვატოვოს დასავლეთით უკრაინის შეიარაღებული ძალები და დამპყრობლები აგრძელებდნენ ადგილობრივ ბრძოლებს.
ანალიტიკოსების აზრით, უკრაინის საჰაერო თავდაცვის წარმატების მიუხედავად, რუსული ძალები კვლავ საფრთხეს უქმნის უკრაინის ენერგეტიკულ ინფრასტრუქტურას.
აგრეთვე წაიკითხეთ:
👉 უკრაინელებმა ლისიჩანსკისა და კრემენაიას მიმართულებით წარმატებას მიაღწიეს - სერგეი გაიდაი
👉 ბოლო დღეებში უკრაინელმა დიპლომატებმა 12 ქვეყანაში რუსეთისგან 18-ჯერ მიიღეს მუქარა - დმიტრო კულება
