რუსეთი ერაყიდან უკრაინაში ომისთვის კონტრაბანდულ იარაღს იღებს - The Guardian
1649741159
რუსეთი ერაყიდან უკრაინაში სამხედრო ოპერაციებისთვის ირანული იარაღის კონტრაბანდის ქსელების დახმარებით საბრძოლო მასალას და სამხედრო აღჭურვილობას იღებს. ამის შესახებ The Guardian ირანის მიერ მხარდაჭერილი ერაყელი მებრძოლებისა და რეგიონული სადაზვერვო სამსახურების ინფორმაციაზე დაყრდნობით წერს.
გამოცემის თანახმად, მარტში მოსკოვის უკრაინაში წარუმატებელი კამპანიის შემდეგ ერაყიდან რუსეთში RPG (სარაკეტო ყუმბარა) და ტანკსაწინააღმდეგო რაკეტები, ასევე, ბრაზილიური დიზაინის მრავალჯერადი სარაკეტო სისტემები გაიგზავნა.
ირანული წარმოების Bavar 373 სარაკეტო სისტემა რუსული S-300-ის მსგავსია, რომელიც, ასევე, მოსკოვს თეირანის ხელისუფლებამ გადასცა.
გამოცემა წერს, რომ ეს ფაქტი რუსეთის სტრატეგიის დრამატულ ცვლილებას მიანიშნებს, რადგან მოსკოვი, უკრაინაში შეჭრის შედეგად გამოწვეული ახალი სანქციების შემდეგ, იძულებულია, დაეყრდნოს ირანს, მის სამხედრო მოკავშირეს სირიაში.
აგრეთვე წაიკითხეთ: 👇
👉 პუტინი ავსტრიის კანცლერს: უკეთესი იქნებოდა, ომი ადრე დამთავრებულიყო
👉 მარიუპოლში 10 000 მშვიდობიანი მოქალაქე დაიღუპა - მარიუპოლის მერი
