„სამხრეთ ოსეთის ვექტორი მიმართული ყოველთვის მხოლოდ რუსეთისკენ იყო და იქნება“ - გაგლოევი
1668794484
ე.წ. სამხრეთ ოსეთის „პრეზიდენტმა“ რუსეთის ფედერაციის საბჭოში ყირიმის დე ფაქტო სენატორ სერგეი ცეკოვთან შეხვედრა გამართა.
შეხვედრაზე ცეკოვმა განაცხადა, რომ რუსეთი ე.წ. სამხრეთ ოსეთის დასახმარებლად „ყველაფერს გააკეთებს“.
„ჩვენ ყველაფერს გავაკეთებთ იმისთვის, რომ დავეხმაროთ სამხრეთ ოსეთის რესპუბლიკას. ჩვენ გვაქვს დიდი შესაძლებლობები. ვისურვებდი, რომ წარმატებით განვითარდეთ, გამოიყენოთ თქვენი შესაძლებლობები. სამხრეთ ოსეთის პრობლემები რუსეთის პრობლემაა და პირიქით“, - განაცხადა ცეკოვმა.
ე.წ. სენატორთან შეხვედრაზე გაგლოევმა განაცხადა, რომ უკრაინის ომში გამარჯვება „აუცილებლად რუსეთს დარჩება.
„სამხრეთ ოსეთის ვექტორი ყოველთვის იყო და იქნება მიმართული მხოლოდ რუსეთისკენ. დღეს სამხრეთ ოსეთის წარმომადგენლები სპეციალურ სამხედრო ოპერაციაში მონაწილეობენ, ჩვენ ეჭვი არ გვეპარება, რომ გამარჯვება ჩვენი იქნება“, - განაცხადა გაგლოევმა.
აგრეთვე დაგაინტერესებთ:
🔴 მარიუპოლში ძლიერი აფეთქება მოხდა
🔴 რუსეთი უკრაინას 10-ზე მეტი ტყვის სიკვდილით დასჯაში ადანაშაულებს
