„შეგვეძლო თვალის დახუჭვა პუტინის ბარბაროსულ ომზე და გაზის ფასი ასე არ გაიზრდებოდა, მაგრამ ამერიკა ამ მომენტზე მაღლა დგას“ - ჯო ბაიდენი კრემენჩუკის დაბომბვაზე
1656392748
შეერთებული შტატების პრეზიდენტმა ჯო ბაიდენმა კრემენჩუკზე თავდასხმას სასტიკი უწოდა და თქვა, რომ შეერთებული შტატები გააგრძელებს რუსეთის პასუხისმგებლობას.
„რუსეთის დარტყმა სავაჭრო ცენტრზე მშვიდობიანი მოსახლეობის წინააღმდეგ არის სასტიკი. ჩვენ სოლიდარობას ვუცხადებთ უკრაინელ ხალხს. როგორც G7-ის სამიტმა აჩვენა, აშშ მოკავშირეებთან და პარტნიორებთან ერთად, გააგრძელებს რუსეთისთვის პასუხისმგებლობის დაკისრებას ასეთი სისასტიკისთვის და მხარს დაუჭერს უკრაინის დაცვას“, - წერს ბაიდენი.
გარდა ამისა, ბაიდენმა აღნიშნა, რომ G7 გაახანგრძლივებს სანქციებს რუსეთის წინააღმდეგ, კერძოდ, ეს ეხება „პუტინის სამხედრო-ინდუსტრიულ კომპლექსს“.
ბაიდენმა დასძინა: „ჩვენ შეგვეძლო თვალის დახუჭვა პუტინის ბარბაროსულ ომზე უკრაინის წინააღმდეგ და გაზის ფასი ასე არ გაიზრდებოდა, როგორც ეს ახლა არის, მაგრამ ამერიკა ამ მომენტზე მაღლა დგას. ჩვენ ამაყად ვდგავართ უკრაინის გვერდით“.
შეგახსენებთ, გუშინ, 27 ივნისს, რუსეთმა კრემენჩუკში სავაჭრო ცენტრზე სარაკეტო იერიში მიიტანა, რომელსაც ამ დროისთვის 18 ადამიანი შეეწირა.
ასევე დაგაინტერესებთ:
