„არავის აქვს უფლება, მომხდარში ირანი დაადანაშაულოს“ - ირანი სალმან რუშდის თავდასხმაში მონაწილეობას უარყოფს
1660551529
ოფიციალური ირანი ნიუ-იორკის ერთ-ერთ უნივერსიტეტში ინდური წარმოშობის ბრიტანელ-ამერიკელი ნოველისტის სალმან რუშდის თავდასხმაში მონაწილეობას უარყოფს. ამის შესახებ „ეიბისი ნიუსი“ იტყობინება.
ირანის საგარეო საქმეთა სამინისტროს სპიკერმა ნასერ ქანაანიმ კომენტარი თავდასხმიდან 2 დღის შემდეგ გააკეთა.
მისივე თქმით, არავის აქვს უფლება, რომ მომხდარში ირანი დაადანაშაულოს.
ქანაანმა დასძინა, რომ ირანს არ აქვს „სხვა ინფორმაცია იმაზე მეტი, რასაც ამერიკული მედიას ავრცელებს“.
„ჩვენ, ირანს აშშ-ში მომხდართან დაკავშირებით არავითარი კავშირი არ გვაქვს. მიგვაჩნია, რომ ამ ბრალდებას არ ვიმსახურებთ. არავის აქვს უფლება ამ კუთხით ირანი დაადანაშაულოს“, - აცხადებს ირანის საგარეო უწყების ოფიციალური წარმომადგენელი.
შეგახსენებთ, 75 წლის რუშდი 12 აგვისტოს ნიუ-იორკში, ერთ-ერთ უნივერსიტეტში სიტყვით გამოსვლისას დაჭრეს. მისმა აგენტმა განაცხადა, რომ მას დაზიანებული ჰქონდა ღვიძლი, მას ასევე დაზიანებული ჰქონდა თვალი. თავდამსხმელი 24 წლის ჰადი მატარია.
თავდამსხმელი ბრალს არ აღიარებს.
ამავე თემაზე:
🔴 ცნობილი მწერალი სალმან რუშდი ნიუ-იორკის უნივერსიტეტში სიტყვით გამოსვლისას დაჭრეს
