პატრიარქის წინააღმდეგ სანქციების დაწესება მხოლოდ სატანისტებს შეუძლიათ - მარია ზახაროვა
1657358856
რუსეთის საგარეო საქმეთა სამინისტროს პრესსპიკერი მარია ზახაროვა, კანადის მიერ რუსეთის პატრიარქ კირილის წინააღმდეგ დაწესებულ სანქციებს გამოეხმაურა.
„პატრიარქის წინააღმდეგ სანქციების დაწესება მხოლოდ სატანისტებს შეუძლიათ“, - აღნიშნა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
ცნობისთვის, კანადამ პატრიარქ კირილს სანქციები დაუწესა.
ქვეყნის საგარეო საქმეთა მინისტრმა მელანი ჯოლიმ უკრაინაში რუსეთის უკანონო შეჭრასთან დაკავშირებით დამატებითი სანქციების შესახებ G20-ის შეხვედრაზე განაცხადა, რომელიც ინდონეზიაში, კერძოდ ბალიზე გაიმართა.
გამოქვეყნებული სიის მიხედვით, რუსეთის პატრიარქი ვლადიმერ მიხაილოვიჩ გუნდიაევი {პატრიარქი კირილი} კანადის ახალი სანქციების ქვეშ მოექცა.
„პატრიარქი კირილი სასანქციო სიაში მოხვდა როგორც რუსი აგენტი, რომელიც დეზინფორმატორად არის იდენტიფიცირებული და რომელიც უკრაინაში რუსეთის არაპროვოცირებული და გაუმართლებელი შეჭრის მხარდაჭერასა და უზრუნველყოფაზეა პასუხისმგებელი“, - განაცხადა საგარეო საქმეთა სამინისტრომ.
აგრეთვე წაიკითხეთ:
🔴 რუსეთი ფართომასშტაბიანი შეტევისთვის ემზადება - ISW
🔴 არ დაგიწყიათ, მაგრამ უკვე ამთავრებთ ამ ყველაფერს - ალექსეი არესტოვიჩი პუტინს
🔴 ოდესის ოლქში უკრაინელ სამხედროებსა და რუსეთის ავიაციას შორის საჰაერო ბრძოლა გაიმართა
