პუტინი ევროპაში მშვიდობის ბოლო ბურჯებს ანადგურებს - გერმანიის პრეზიდენტი
1663400500
რუსეთის პრეზიდენტი ვლადიმერ პუტინი ევროპაში მშვიდობის ბოლო ბურჯებს ანადგურებს. ამის შესახებ გერმანიის პრეზიდენტმა ფრანკ-ვალდერ შტაინმაიერმა განაცხადა. ინფორმაციას Deutche Welle ავრცელებს.
შტაინმაიერმა უკრაინაში რუსეთის სამხედრო აგრესიას „ცივი ომის“ დასრულების შემდეგ ყველაზე სერიოზული კრიზისი უწოდა და მოუწოდა მსოფლიოს, რომ ახალი კონფლიქტებისთვის მოემზადოს.
„1980-1990 წლებიდან არც ერთი კრიზისი, არც ერთი კონფლიქტი არ იყო იმაზე სერიოზული, ვიდრე რუსეთის თავდასხმა უკრაინის წინააღმდეგ. პუტინმა დიალოგის ბოლო ხიდები, ევროპაში მშვიდობის ბოლო ბურჯები გაანადგურა,“ - განაცხადა შტაინმაიერმა „დიდი შვიდეულის“ პარლამენტების თავმჯდომარეებთან გამართულ შეხვედრაზე.
შტაინმაიერის თქმით, „ერთიანი ევროპული სახლი, რაზედაც მიხეილ გორბაჩოვის პერიოდიდან იყოს საუბარი, ახლა ნანგრევებად არის ქცეული. აუცილებელია თანამოაზრეებს შორის მეტი თანამშრომლობა“, - განაცხადა გერმანიის პრეზიდენტმა.
აგრეთვე წაიკითხეთ: 👇
👉 უკრაინის ძალებმა ქალაქ კუპიანსკის აღმოსავლეთ ნაპირიც აიღეს
