სასწრაფოდ გვჭირდება გაეროს უშიშროების საბჭოს რეფორმა - ერდოღანი
1680679677
თურქეთის პრეზიდენტმა რეჯეფ თაიფ ერდოღანმა გაეროს უშიშროების საბჭოს რეფორმირებისკენ მოუწოდა და მას არამდგრადი უწოდა.
ერდოღანის თქმით, ხუთ სახელმწიფოს აქვს ბევრად მეტი გავლენა, ვიდრე ყველა დანარჩენს.
„დღევანდელი ცხოვრების წესი, რომელშიც კაცობრიობის ბედი ხუთი სახელმწიფოს ხელშია, არასტაბილურია. ჩვენ სასწრაფოდ გვჭირდება გაეროს უშიშროების საბჭოს რეფორმა. ყოვლისმომცველი და ინკლუზიური ურთიერთგაგებით“, - აცხადებს ერდოღანი.
ერდოღანმა, ასევე, თქვა, რომ მას სჯერა რუსეთსა და უკრაინას შორის „სამართლიანი მშვიდობის“ შესაძლებლობის, რაც მისივე განცხადებით, „ორივე მხარეს მისცემს შესაძლებლობას ადეკვატურად გამოვიდნენ სიტუაციიდან“.
უშიშროების საბჭო შედგება გაეროს ხუთი მუდმივი წევრისაგან, მათ შორის რუსეთის, დიდი ბრიტანეთის, საფრანგეთის, ამერიკის შეერთებული შტატებისა და ჩინეთისგან, რომლებსაც აქვთ ვეტოს უფლება, ასევე 10 წევრი ქვეყნისგან როტაციის წესით.
ასევე დაგაინტერესებთ:
✔️ ბილ კლინტონის განცხადებით, ნანობს თავის ჩართულობას უკრაინის ბირთვულ განიარაღებაში
✔️ დაე, ფინეთი იყოს გაკვეთილი პუტინისთვის - ბენ უოლესი
