თეთრი სახლი ჯო ბაიდენის ევროპაში ვიზიტის შესაძლებლობას განიხილავს - NBC
1647279256
თეთრი სახლი აშშ-ის პრეზიდენტის ჯო ბაიდენის ევროპაში ვიზიტის შესაძლებლობას უახლოეს კვირებში განიხილავს. ვიზიტი უკრაინის ომსა და რეგიონში არსებულ სიტუაციასთან იქნება დაკავშირებული. ამის შესახებ NBC News აშშ-ის ოფიციალურ პირებზე დაყრდნობით წერს.
ერთ-ერთი წყაროს ცნობით, ბაიდენი შესაძლოა ბრიუსელში ეწვიოს, სადაც ნატოსა და ევროკავშირის შტაბ-ბინებია განთავსებული.
ადმინისტრაციის სამმა წარმომადგენელმა განაცხადა, რომ აშშ-ის ვიცე პრეზიდენტის კამალა ჰარისის ვიზიტზე მომუშავე პერსონალის ნაწილი დარჩა ევროპაში, რათა ბაიდენის შესაძლო ვიზიტის დაგეგმვას ხელი შეუწყონ.
წყაროებმა არ დაასახელეს ბაიდენის ევროპაში შესაძლო მოგზაურობის ზუსტი თარიღი.
