უკრაინაში ომის დინამიკის პროგნოზირება რთულია - ედგარს რინკევიჩი
1672209835
ლატვიის საგარეო საქმეთა მინისტრმა ედგარს რინკევიჩმა თავის ყოველწლიურ მოხსენებაში განაცხადა, რომ უკრაინაში ომი შესაძლოა გაჭიანურდეს, მისი დინამიკის პროგნოზირება რთულია, ხოლო შედეგების დაძლევას დიდი დრო დასჭირდება.
„ლატვია მუდმივად ხაზს უსვამს, რომ უკრაინის ტერიტორიული მთლიანობა და სუვერენიტეტი უნდა აღდგეს საერთაშორისოდ აღიარებულ საზღვრებში და მხოლოდ უკრაინას აქვს უფლება გადაწყვიტოს როდის, სად და რა პირობებში შეიძლება ჩაითვალოს რუსეთის აგრესიის შეჩერება“, - აცხადებს მინისტრი.
მან ხაზგასმით აღნიშნა, რომ ლატვიის საგარეო პოლიტიკის პრიორიტეტული ამოცანებია უკრაინისთვის ყველა შესაძლო დახმარების გაწევა, რუსეთის წინააღმდეგ სანქციების პოლიტიკის შენარჩუნება და აგრესიის გამო რუსეთისთვის პასუხისმგებლობის დაკისრება.
მინისტრმა აღნიშნა, რომ ლატვია უკრაინას ომის პირველივე დღიდან უწევს ყოვლისმომცველ პოლიტიკურ, სამხედრო, ფინანსურ და ჰუმანიტარულ დახმარებას და ამ დახმარებამ უკვე შეადგინა ლატვიის მთლიანი შიდა პროდუქტის 0,93%.
ასევე დაგაინტერესებთ:
