უკრაინელებს გარკვეული ტერიტორიის დაბრუნება, შესაძლოა, დიპლომატიის დახმარებით მოუწიოთ - ბლინკენი
1679674060
უკრაინელებს, შესაძლოა, გარკვეული ტერიტორიის დაბრუნება დიპლომატიის დახმარებით მოუწიოთ, - ამის შესახებ აშშ-ის სახელმწიფო მდივანმა ენტონი ბლინკენმა კონგრესში სიტყვით გამოსვლისას განაცხადა.
მისი თქმით, უკრაინულმა ძალებმა, შესაძლოა, დაიბრუნონ საკუთარი ქვეყნის ყველა საერთაშორისოდ აღიარებული ტერიტორია.
„ვფიქრობ, უკრაინაში იქნება ტერიტორია, რომლისთვისაც უკრაინელებს გადაწყვეტილი აქვთ ომი ბრძოლის ველზე. შეიძლება იყოს ტერიტორია, რომელზედაც გადაწყვეტენ, რომ სხვა გზით უნდა ეცადონ მის დაბრუნებას“, - აღნიშნა აშშ-ის სახელმწიფო მდივანმა.
ბლინკენმა ხაზგასმით აღნიშნა, რომ ეს უნდა იყოს უკრაინის გადაწყვეტილებები იმის შესახებ, როგორ უნდათ დაინახონ თავიანთი მომავალი და როგორ უკავშირდება ის ქვეყნის სუვერენიტეტს, ტერიტორიულ მთლიანობას და დამოუკიდებლობას.
აგრეთვე წაიკითხეთ:
👉 სოციოლოგიური კვლევის თანახმად, რეჯეფ თაიფ ერდოღანს ამომრჩევლების 47.4 პროცენტი უჭერს მხარს
👉 თუ უკრაინას ბირთვულ კომპონენტიან იარაღს გადასცემენ, იძულებული ვიქნებით ვიმოქმედოთ - პუტინი
