ლევან ხაბეიშვილი განტევების ვაცს ოპოზიციაში ეძებს, რომ წარუმატებლობა გადაფაროს - ირაკლი კუპრაძე

1681118215

„ლევან ხაბეიშვილი განტევების ვაცს ოპოზიციაში ეძებს, რომ წარუმატებლობა გადაფაროს“, - ასე აფასებს „ლელოს“გენერალური მდივანი ირაკლი კუპრაძე „ნაციონალური მოძრაობის“ თავმჯდომარის მიერ გაკეთებულ განცხადებას თვითმარქვია ოპოზიციის გამორკვევასთან დაკავშირებით.

„ბატონ ხაბეიშვილს, მარტივად, ურჩევნია, რომ საკუთარ მომხრეებს, მხარდამჭერებს აუხსნას, იყო თუ არა წარმატებული საერთოდ ეს აქცია, რა მიზანს ემსახურებოდა და ამ მიზნის რაიმე პროცენტული მაჩვენებელი შესრულდა თუ არა? ნაცვლად იმისა, რომ ოპოზიციაში ეძებოს თვითმარქვია ოპოზიციონერები, რომელიც ისედაც ვიცით, ვინც არიან.

ჩვენ ვართ ერთ-ერთი მკაფიო და მძაფრი, ოპოზიციური პარტია „ქართული ოცნების“ წინააღმდეგ, რომლის ლიდერებსაც პოლიტიზებული სასამართლო და პროკურატურა დევნიის. თვითმარქვია ოპოზიციაზე როცა ვსაუბრობთ, მე ვგულისხმობიმ საპარლამენტო პარტიებს, რომლებიც „ქართულ ოცნებას“ ემსახურებიან და ეხმარებიან უამრავი საკანონმდებლო ინიციატივის გატანაში. ამის მიღმა ოპოზიციურ პარტიებში რაღაც ახალი განტევების ვაცის ძებნა მაშინ, როცა „ნაციონალური მოძრაობის“ მიერ დაანონსებული პროცესები არც თუ ისე წარმატებით მიმდინარეობს, მგონია, რომ უბრალოდ, ყურადღების გადატანაა სხვა მიმართულებით.

„ლელოსთვის“ ამ აქციის ამოცანები და მიზნები დაანონსების დღიდანვე გაურკვეველი და ბუნდოვანი იყო, შესაბამისად ვთქვით, რომ არ ვმონაწილეობდით ამ პროცესში და როგორც გამოჩნდა „ლელოს“ პოზიცია ამ შემთხვევაშიც მართებული ხაზი იყო“, - აცხადებს ირაკლი კუპრაძე.