პოლიტიკა

„მყისიერი საფრთხე გვიდგას იმისა, რომ გავხდეთ ჰიბრიდული ომის ყველაზე ცხელი წერტილი“ - დავით ძიძიშვილი

სტრატეგიული კომუნიკაციების ცენტრის საქართველოს წარმომადგენელი
1659614606
დაკოპირებულია

„მყისიერი საფრთხე გვიდგას იმისა, რომ გავხდეთ ჰიბრიდული ომის ყველაზე ცხელი წერტილი“, - ამის შესახებ სტრატეგიული კომუნიკაციების ცენტრის საქართველოს წარმომადგენელმა და ტელერეჟისურის სპეციალისტმა დავით ძიძიშვილმა განაცხადა.

სტრატეგიული კომუნიკაციების ცენტრის საქართველოს წარმომადგენელი აცხადებს, რომ რუსეთს შეუძლია წარმოქმნას საქართველოში დაპირისპირება ეთნიკურ ნიადაგზე და ამით ის აჩვენებს მსოფლიოს, რომ რუსები იჩაგრებიან.

ამასთან, დავით ძიძიშვილი ამბობს, რომ რუსული ფული და ნავთობი ვალდებულებების გარეშე არ არსებობს. 

მისი თქმით, რუსეთიდან ნავთობის შემოტანა პირდაპირ უწყობს ხელს, რომ რუსეთმა ნავთობით ივაჭროს.

„ნამდვილად, დღეს ვართ ვითარებაში, როცა ფაქტობრივად ვართ საფრთხის წინაშე. მყისიერი საფრთხე გვიდგას იმისა, რომ გავხდეთ ჰიბრიდული ომის ყველაზე ცხელი წერტილი. ალბათ არა მხოლოდ პოსტსაბჭოთა სივრცეში, რომლის აღდგენაზეც რუსეთი ღიად აკეთებს განცხადებებს, არამედ მსოფლიოს 2 - ბნელი და ნათელი ძალის შეჭიდების ყველაზე ცხელი წერტილი, ჰიბრიდულ ომთან მიმართებით. 

რუსეთის ფედერაცია ყოველთვის ცდილობს, შექმნას ეთნიკური დასაყრდენი. რუსულ ენას და მართლმადიდებლურ ეკლესიებს იყენებენ ჰიბრიდული ომის ძალიან მნიშვნელოვანი ზეგავლენის იარაღად. ისინი პირველი, რასაც აკეთებენ  - სწავლობენ გარემოს და ნათელია, რომ რუსეთმა კარგად შეისწავლა ქართული გარემო.

რუსეთს შეუძლია წარმოქმნას საქართველოში დაპირისპირება ეთნიკურ ნიადაგზე. ის ამით აჩვენებს საკუთარ მოსახლეობას და მსოფლიოს, რომ რუსები საქართველოში იჩაგრებიან. ეს არის კარგად გაწერილი გეგმა, რომელსაც ყოველთვის მიჰყვება რუსეთის ფედერაცია. 

არ არსებობს რუსული ფული, ნავთობი და განათლება ვალდებულებების გარეშე. რუსულ ნებისმიერ სივრცეზე დამოკიდებულება ნიშნავს გარკვეული ვალდებულებების აღებას რუსეთის ფედერაციის კონკრეტული მმართველობით ორგანოების წინაშე. რეალურად რუსეთი არაფერს არ აკეთებს ამ ვალდებულებების გამოყოლების გარეშე. 

ნავთობთან მიმართებით ღიად ამბობს საქართველოს მთავრობა, რომ რუსული ნავთობი იაფია და ამიტომ შემოაქვთ კომპანიებს ეს ნავთობი, თუმცა, იაფი რატომ არის რუსული ნავთობი? იმიტომ, რომ მისი ყიდვა შეამცირა თითქმის მთელმა მსოფლიომ და უბრალოდ სხვა გასაღების ბაზარი არ დარჩება რუსეთს, გარდა რამდენიმე სახელმწიფოსი.

შესაბამისად, რუსეთიდან ნავთობის შემოტანა პირდაპირ ნიშნავს იმას, რომ საქართველოში კონკურენტული სუბიექტები, იქნებიან ეს - ბიზნესმენები თუ სხვა ხელისუფლების წარმომადგენლები, პირდაპირ უწყობენ ხელს რუსეთს, ივაჭროს ნავთობით“, - აცხადებს დავით ძიძიშვილი. 

აგრეთვე წაიკითხეთ:

✅ „ინტერესის საგანია დეპოლარიზაცია“ - იაგო ხვიჩია

„სავიზო რეჟიმი რომ შემოგვეღო, საქართველოში ათასობით დევნილი რუსი და ბელარუსი ვერ შემოვიდოდა“ - გია ცაგარეიშვილი

გამოკითხვა - უნდა დაწესდეს თუ არა რუსეთთან სავიზო რეჟიმი?

✅ „დამნაშავეები არიან, ეს არის უგუნური და დანაშაულებრივი კამპანია“ - რომან გოცირიძე

✅ „ყოველთვის ვიყავი რუსეთთან მოლაპარაკების მომხრე და ამის შემდეგაც ვიქნები“ - ნინო ბურჯანაძე