ქვათაცვენის გამო, რიკოთზე ტრანსპორტის მოძრაობა დროებით აიკრძალა
1681201360
საქართველოს საავტომობილო გზების დეპარტამენტის ინფორმაციით, რიკოთის უღელტეხილზე ქვათაცვენის გამო ყველა სახის ავტოტრანსპორტის მოძრაობა დროებით აიკრძალა. არსებული ცნობით, მიმდინარეობს გზის გაწმენდის სამუშაოები.
„თბილისი-სენაკი-ლესელიძის საავტომობილო გზის 147-ე კმ-ზე მცირე ქვათაცვენის გამო, დადგა გზის გაწმენდის საჭიროება. რის გამოც, აღნიშნული გზის კმ114-კმ 194 მონაკვეთზე (ახალსოფლის სატრანსპორტო კვანძი-ზესტაფონი) ყველა სახის ავტოტრანსპორტის მოძრაობა დროებით აკრძალულია. გზის სავალი ნაწილის გაწმენდამდე, დროის აღნიშნულ პერიოდში, მსუბუქი ავტოტრანსპორტის მოძრაობა განხორციელდება შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის გავლით, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია.თბილისი-სენაკი-ლესელიძის საავტომობილო გზის 147-ე კმ-ზე საავტომობილო გზის გაწმენდითი სამუშაოების დასრულებისთანავე, რიკოთის მიმართულებით მოძრაობა აღდგება დაწესებული სპეციალური რეჟიმით“, - აცხადებენ საავტომობილო გზების დეპარტამენტში.
იხილეთ ასევე:
👉 14 აპრილს თავისუფლებისთვის ბრძოლაში შეტანილი წვლილისთვის მიხეილ სააკაშვილს პოლონეთი ჯილდოს გადასცემს
