„როდესაც 2%-ს გადაცდება ინფიცირების მაჩვენებელი, უკვე მოგვიწევს აქტიურ ღონისძიებებს მივმართოთ“ - თამარ გაბუნია
1617702122
ჯანდაცვის მინისტრის მოადგილემ თამარ გაბუნიამ განაცხადა, რომ ინფიცირების მაჩვენებელი როდესაც 2%-ს გადაცდება, მოგვიწევს კონკრეტული ღონისძიების მიღება.
„დღეისათვის დადასტურებული ინფიცირების მაჩვენებელი ძალიან მაღალია, 2% არის ჩვენთვის ის მაჩვენებელი, რომელიც გვაძლევს შემსუბუქების საშუალებას, ხოლო უკვე როდესაც 2%-ს გადაცდება, 5 %- ს ვერ დაველოდებით. რა თქმა უნდა, იმიტომ, რომ უკვე საგანგაშო მდგომარეობა იქმნება.
როდესაც 2%-ს გადაცდება ინფიცირების მაჩვენებელი, უკვე მოგვიწევს მივმართოთ აქტიურ ღონისძიებებს“- განაცხადა თამარ გაბუნიამ.
შეგახსენებთ, რომ გასული 24 საათის განმავლობაში საქართველოში კორონავირუსით ინფიცირების 897 ახალი შემთხვევა დადასტურდა.
რაც შეეხება დადებითობის მაჩვენებელს, 6 აპრილის მდგომარეობით 3,65%-ს შეადგენს. ბოლო 14 დღის - 1,94%, ბოლო 7 დღის - 2,32%-ი
ინფიცირებულია პრემიერ-მინისტრი ირაკლი ღარიბაშვილიც და ის თვითიზოლაციაში იმყოფება.
იხილეთ აგრეთვე:
✅„ეპიდსიტუაცია არის ძალიან საყურადღებო, იმატა დადებითობის მაჩვენებელმა“ - თამარ გაბუნია
✅„წელსაც მოგვიწევს აღდგომა მოკრძალებულად აღვნიშნოთ“ - ტიკარაძე
✅897 ინფიცირება, 196 გამოჯანმრთელება - ეპიდვითარება საქართველოში
