მიხეილ სააკაშვილის დაკავების კადრები - ვიდეო
1633427868
ინტერნეტში საქართველოს მესამე პრეზიდენტის მიხეილ სააკაშვილის დაკავების ვიდეომასალა ვრცელდება.
გავრცელებული კადრები სანზონაში, სწორედ იმ სახლშია გადაღებული, სადაც სააკაშვილი დააკავეს. ამასთან, ვიდეოკადრებში ჩანს სამართალდამცველი როგორ ადებს ხელბორკილს ყოფილ პრეზიდენტს.
ვიდეოკადრები ფეისბუკმომხმარებელმა ლევან ჭალელიშვილმა გაავრცელა.
ინფორმაციისთვის, ყოფილი პრეზიდენტი მიხეილ სააკაშვილი თბილისში 1-ელ ოქტომბერს დააკავეს. იგი რუსთავის ციხეში იმყოფება და შიმშილობს.
უკრაინის საგარეო საქმეთა მინისტრმა დმიტრო კულებამ, 2 ოქტომბერს განაცხადა, რომ სააკაშვილი კიევისგან ყველა საჭირო დახმარებას მიიღებს.
უკრაინის პრეზიდენტმა ვოლოდიმირ ზელენსკიმ ჟურნალისტებთან განაცხადა, რომ ის საქართველოში დაკავებული მიხეილ სააკაშვილის უკრაინაში დაბრუნებას შეეცდება.
მიხეილ სააკაშვილი ციხიდან პერიოდულად წერილებს აქვეყნებს და მხარდამჭერებს მიმართავს. მის ბოლო წერილში, რომელიც მან 4 ოქტომბერს გაავრცელა, აღნიშნულია, რომ ის არ წყვეტს შიმშილობას და მან უარი განაცხადა უგონო მდგომარეობაში სამედიცინო ჩარევაზე.
აგრეთვე წაიკითხეთ:
🔴 ზელენსკიმ პირობა დადო, რომ შეეცდება სააკაშვილის უკრაინაში დაბრუნებას
🔴 სააკაშვილს უკრაინის მოქალაქეობა უნდა ჩამოერთვას - უკრაინელი ექსპერტი
