„ახალ ვარიანტზე მორგებული გამაძლიერებელი დოზა საჭირო არ არის“ - ენტონი ფაუჩი
1639631564
„ამჟამად ხელმისაწვდომი ვაქცინების გამაძლიერებელი დოზა „ომიკრონი“ ვარიანტის წინააღმდეგ მუშაობს და, როგორც ჩანს, ახალ ვარიანტზე მორგებული გამაძლიერებელი დოზა საჭირო არ არის“, - ამის შესახებ აშშ-ის ალერგიისა და ინფექციური დაავადებების ცენტრის დირექტორმა ენტონი ფაუჩიმ განაცხადა.
მისი თქმით, „ომიკრონი“ აშშ-ში მალე დომინანტი გახდება.
„ვაქცინის გამაძლიერებელი დოზის რეჟიმი „ომიკრონი“ ვარიანტის წინააღმდეგ მუშაობს. ამ ეტაპზე ახალ ვარიანტზე მორგებული გამაძლიერებელი დოზა საჭირო არ არის“, - აღნიშნავს ენტონი ფაუჩი.
მასაჩუსეტსის საერთო პროფილის ჰოსპიტალის (MGH) მიერ ჩატარებული ლაბორატორიული ტესტების თანახმად, აშშ-ში ავტორიზებული სამივე ვაქცინა, როგორც ჩანს, მნიშვნელოვნად ნაკლებად იცავს კორონავირუსის „ომიკრონი“ ვარიანტის წინააღმდეგ, თუმცა გამაძლიერებელ დოზას დაცვის დიდი ნაწილის აღდგენა შეუძლია.
აგრეთვე წაიკითხეთ:
⚫ „ომიკრონი“ საკმაოდ მძიმე მე-6 ტალღას გამოიწვევს“ - ალექსანდრე გოგინავა
⚫ „კორონავირუსის საწინააღმდეგო ვაქცინის მეოთხე დოზა დაგვჭირდება“ - „ფაიზერის“ დირექტორი
⚫ „დიდი ალბათობით, ქვეყანაში „ომიკრონის“ შტამი გვაქვს“ - აკაკი ზოიძე
⚫ „ომიკრონის“ შტამმა ჰოსპიტალიზაცია საფრანგეთში 41%-ით გაზარდა - ზაზა წერეთელი
