აშშ-ში კოვიდსაწინააღმდეგო აბი Merck-ი დაარეგისტრირეს
1640343593
ამერიკის შეერთებული შტატების სანიტარიული ზედამხედველობის და მედიკამენტების ხარისხის სამმართველომ კონცერნ Merck-ის მიერ შექმნილი კოვიდსაწინააღმდეგო აბი რეგისტრაციაში გაატარა. პრეპარატი Ridgeback Biotherapeutics-თან ერთობლივად შეიქმნა. ამის შესახებ Deutche Welle იუწყება.
Merck-ის მიერ შექმნილი პრეპარატის სახელწოდებაა Molnupiravi და ის კორონავირუსის საშუალო და მსუბუქი ფორმების სამკურნალოდ იქნება გამოყენებული, პირველ რიგში აბებს რისკის ჯგუფში შემავალ პაციენტებს მისცემენ.
3 დღის წინ რეგისტრაციაში კომპანია „ფაიზერის“ აბიც გაატარეს.
სპეციალისტებს მიაჩნიათ, რომ Merck-ის და ფაიზერის პრეპარატები COVID19-ის პანდემიის წინააღმდეგ საბრძოლველად ეფექტიანი ინსტრუმენტები იქნება. ეს განსაკუთრებით აქტუალურია ახალი შტამის, „ომიკრონის“ გავრცელების გამო, რომელიც აშშ-ში დომინანტური გახდა.
Molnupiravir მიღება ბავშვებისა და 18 წელზე უმცროსი ადამიანებისთვის აკრძალულია. ასევე მისი გამოყენება ორსულ ქალებს ეკრძალებათ.
ამასთანავე აშშ-ის სანიტარიული ზედამხედველობის და მედიკამენტების ხარისხის სამმართველოს განცხადებაში აღნიშნულია, რომ ეს პრეპარატები ვაქცინებს არ ცვლის, არამედ მისი დამატებაა, ხოლო ვაქცინაცია პანდემიის წინააღმდეგ ბრძოლის ძირითად მექანიზმად რჩება.
იხილეთ აგრეთვე:
🔴 „ჩინური ვაქცინები გამანეიტრალებელი ანტისხეულების საკმარის დონეს არ აწარმოებს“ - ზაზა წერეთელი
🔴 „მეექვსე ტალღის დაწყებას მობილობის გაზრდა დააჩქარებს“ - თენგიზ ცერცვაძე
🔴 FDA-მ „ფაიზერის“ კორონავირუსის სამკურნალო აბი გადაუდებელი გამოყენებისთვის დაამტკიცა
