„სტელს-იმიკრონი“ უფრო გადამდებია, ვიდრე BA.1 ვარიანტი - დანიური კვლევა
1643659523
„სტელს-იმიკრონი“, რომელიც დანიაში სწრაფად გახდა დომინანტური, უფრო გადამდებია, ვიდრე „ომიკრონი“, - ამის შესახებ „როიტერი“ დანიურ კვლევაზე დაყრდნობით წერს.
კვლევისას დადგინდა, რომ „სტელს-ომიკრონით“ ინფიცირებული ადამიანები დაახლოებით 33%-ით უფრო მეტად აინფიცირებდნენ სხვებს, ვიდრე „ომიკრონით“ ინფიცირებულები.
მსოფლიო მასშტაბით, „ომიკრონი“ იკავებს შემთხვევების 98%-ზე მეტს, მაგრამ მისი ქვევარიანტი სწრაფად გახდა დომინანტური შტამი დანიაში.
„ჩვენ ვასკვნით, რომ „სტელს-ომიკრონი“ არსებითად უფრო გადამდებია, ვიდრე BA.1 და მას, ასევე, გააჩნია იმუნოევაზიური თვისებები, რაც კიდევ უფრო ამცირებს ვაქცინაციის დამცავ ეფექტს ინფექციის წინააღმდეგ“, - აღნიშნავენ მკვლევარები.
კვლევა, რომელიც ჯერ არ არის მიმოხილული, ჩაატარეს Statens Serum Institut-ის (SSI), კოპენჰაგენის უნივერსიტეტის, დანიის სტატისტიკის და დანიის ტექნიკური უნივერსიტეტის მკვლევარებმა.
„თუ თქვენ გქონდათ კონტაქტი „სტელს-ომიკრონით“ ინფიცირებულ პირთან, გაქვთ 39% ალბათობა, რომ დაინფიცირდეთ შვიდი დღის განმავლობაში. თუ თქვენ დაგემართათ BA.1, დაინფიცირების ალბათობა არის 29%“, - აღნიშნავს კვლევის ავტორი ფრედერიკ პლესნერი.
BA.2 შემთხვევები, ასევე, რეგისტრირებულია შეერთებულ შტატებში, ბრიტანეთში, შვედეთსა და ნორვეგიაში, მაგრამ გაცილებით ნაკლები რაოდენობით, ვიდრე დანიაში, სადაც ის შეადგენს შემთხვევების დაახლოებით 82%-ს.
აგრეთვე წაიკითხეთ:
🔘 საქართველოში მწვანე პასპორტი უქმდება
🔘 საიდან გაჩნდა ომიკრონი? სამი ძირითადი თეორია
🔘 „თებერვლის მეორე ნახევრიდან, მე-6 ტალღის დაღმავალი პერიოდი გვექნება“ - ივანე ჩხაიძე
🔘 „ივერმექტინი“ ეფექტიანია „ომიკრონ“ ვარიანტის სამკურნალოდ - იაპონიის ფარმაცევტული კომპანია
🔘 „სტელს-ომიკრონი“ შეიძლება, 1.5-ჯერ უფრო გადამდები იყოს“ - დანიის ჯანდაცვის ოფიციალური პირები
