15 ტანკი, 25 ჯავშანტრანსპორტიორი და ადამიანებით სავსე 15 ურალი - ოკუპანტები კიევისკენ დაიძრნენ
1645963216
UNIAN-ის ცნობით, თვითმხილველების მონაყოლის მიხედვით, კიევისკენ ოკუპანტთა რაზმი დაიძრა, რომელიც 15 ტანკისგან, 25 ჯავშანტრანსპორტიორისგან და ადამიანებით სავსე 15 ურალისგან შედგებოდა. ინფორმაციები მას შემდეგ ვრცელდება, რაც უკრაინის შეიარაღებულმა ძალებმა მოქალაქეებს მოუწოდეს, რომ მტრის გადაადგილების შესახებ ეცნობებინათ.
ადგილობრივებმა განაცხადეს, რომ დამპყრობლების კოლონა მაკროვის რაიონის გავლით - კიევის ან ჟიტომირის მიმართულებით მიემართებოდნენ.
„უკვე მესამე კოლონაა, რიგრიგობით მცირე დროის შუალედით, მეტი თვითმავალი თოფები, ჯავშანტრანსპორტიორები, სატვირთო მანქანები, ცეცხლსასროლი იარაღებით, რაკეტებით. საწვავიც ტრანსპორტირდება“, - აცხადებს მოსახლეობა.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით.
პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.
უკრაინის საზღვრის მთელ პერიმეტრზე დილიდან მძიმე ბრძოლები მიმდინარეობს.
იხილეთ აგრეთვე:
📣 უკრაინელმა ბოშებმა რუსებს ტანკი მოჰპარეს - UNIAN
📣 კონფლიქტი, რომელიც ახლა უკრაინაშია, ყვავილებია იმასთან შედარებით, რაც მოხდება - ალექსანდრე ლუკაშენკო
📣 უკრაინელმა სამხედროებმა რუსული სატანკო ბატალიონის მეთაური დაატყვევეს - უახლესი ინფორმაცია
📣 ყვავს უნდა ვუწოდოთ ყვავი, რუსეთის ქმედებებს გენოციდის ნიშნები აქვს - ზელენსკი
📣 „თქვენი ტერიტორიიდან ჩვენ შვილებს კლავენ“ - ზელენსკი ბელარუსს მიმართავს
