„აზოვსტალის“ მებრძოლები და ეროვნული გვარდიელები - უკრაინამ სახლში 36 ადამიანი დააბრუნა
1669222271
ტყვეთა მორიგი გაცვლის შედეგად, უკრაინაში 35 ჯარისკაცი და ერთი მშვიდობიანი მოქალაქე დაბრუნდა სახლში, მათ შორის, მარიუპოლის დამცველები, - ამის შესახებ უკრაინის პრეზიდენტის ადმინისტრაციის ხელმძღვანელმა ანდრეი ერმაკმა განაცხადა.
„ტყვეთა მორიგი გაცვლა მოხდა. 36 ადამიანი დავაბრუნეთ სახლში - ერთი სამოქალაქო პირი და 35 სამხედრო. გათავისუფლებულთა შორის სამხედრო მოსამსახურეები არიან, რომლებიც მარიუპოლს იცავდნენ და „აზოვსტალში“ იყვნენ, ასევე, ეროვნული გვარდიელები, რომლებიც ჩერნობილის ატომურ ელექტროსადგურზე რუსეთის შეჭრის პირველ დღეებში ტყვედ ჩავარდნენ“, - აცხადებ ერმაკი.
ერმაკის თქმით, გათავისუფლებულ სამხედროებს შორის 22 ეროვნული გვარდიელია, 8 მესაზღვრეა, 4 სამხედრო-საზღვაო ძალების მებრძოლია და ერთი უკრაინის შეიარაღებული ძალების სამხედრო მოსამსახურეა. გათავისუფლებულ მოქალაქეს, სამწუხაროდ, ფეხი მოკვეთეს.
„ჩვენ ვახერხებთ სახლში დავაბრუნოთ ისინი, ვინც ტყვეობაში ომის 8 თვე გაატარეს. ჩვენ ყველას დავაბრუნებთ“, - დასძენს უკრაინის პრეზიდენტის ადმინისტრაციის ხელმძღვანელი.
აგრეთვე წაიკითხეთ:
👉 მოლაპარაკებები არ იქნება, ჩვენი ერთადერთი სურვილი „რაშისტული“ მონსტრის განადგურებაა - დანილოვი
👉 გთავაზობთ, ევროპარლამენტი იდიოტიზმის სპონსორად ვაღიაროთ - მარია ზახაროვა
👉 პანიკა ყირიმში და თავდაცვა დონბასში - საბრძოლო რუკები
👉 პუტინი გავლენას კარგავს - პოდოლიაკი რუსულ ელიტაში განხეთქილებას პროგნოზირებს
