ისრაელმა, ეგვიპტემ და ევროკავშირმა ხელი მოაწერეს მემორანდუმს ბუნებრივი აირის ექსპორტის შესახებ - ურსულა ფონ დერ ლაიენი
1655294243
ისრაელმა, ეგვიპტემ და ევროკავშირმა ხელი მოაწერეს მემორანდუმს ბუნებრივი აირის ექსპორტის შესახებ. მიწოდება ჩაანაცვლებს ევროპაში ენერგიის იმპორტს რუსეთიდან. ამის შესახებ ევროკომისიის პრეზიდენტმა ურსულა ფონ დერ ლაიენმა ტვიტერზე დაწერა.
მემორანდუმის თანახმად, ისრაელი ბუნებრივ აირს მილსადენით ეგვიპტეში შეიტანს, სადაც ის გადამუშავდება თხევად ბუნებრივ გაზად და შემდეგ მიეწოდება ევროკავშირის წევრ ქვეყნებს.
ისრაელის ენერგეტიკის სამინისტრომ განაცხადა, რომ ევროკავშირთან ხელმოწერილი ჩარჩო შეთანხმება იქნება პირველი, რომელიც საშუალებას მისცემს ისრაელის გაზის „მნიშვნელოვან“ ექსპორტს ევროპაში.
ეგვიპტე, ასევე, გაზის მწარმოებელია, მაგრამ მისი ექსპორტი შეზღუდულია შიდა მოთხოვნის ზრდის გამო.
„დღეს ეგვიპტემ და ისრაელმა აიღეს ვალდებულება, გაუზიარონ ბუნებრივი აირი ევროპას და დაეხმარონ ენერგეტიკულ კრიზისში“, - განაცხადა ისრაელის ენერგეტიკის მინისტრმა კარინ ელჰარარმა კაიროში ურთიერთშეთანხმების მემორანდუმის ხელმოწერის შემდეგ.
შეთანხმება აღიარებს, რომ ბუნებრივი აირი ცენტრალურ როლს ითამაშებს ევროკავშირის ენერგეტიკულ ბაზარზე 2030 წლამდე.
With this 🇪🇺🇪🇬🇮🇱 agreement we will work on the stable delivery of natural gas to the EU from the East Med region.
— Ursula von der Leyen (@vonderleyen) June 15, 2022
This will contribute to our 🇪🇺 energy security.
And we are building infrastructure fit for renewables - the energy of the future. pic.twitter.com/GYFPXwFpsp
აგრეთვე, დაგაინტერესებთ:
📢 „ომი შესაძლოა, უკრაინის ფარგლებს გასცდეს“ - იაროსლავ კაჩინსკი
