„კანადა რუსულ ბანკებს, მინისტრებს და რუსულ ელიტას სანქციებს დაუწესებს“ - ჯასტინ ტრუდო
1645729983
კანადის პრემიერ მინისტრმა ჯასტინ ტრუდომ განაცხადა, რომ მისი მთავრობა უკრაინაში შეჭრის საპასუხოდ რუსეთს მკაცრ სანქციებს დაუწესებს.
ახალი სანქციები შეეხება 58 ადამიანს და სუბიექტს, მათ შორის რუსული ელიტის წევრებს და მათ ოჯახებს, ვაგნერის კერძო სამხედრო კომპანიას და მსხვილ რუსულ ბანკებს.
სანქციები, ასევე, შეეხება რუსეთის უშიშროების საბჭოს წევრებს, მათ შორის, რუსეთის მთავრობის მთავარ მინისტრებს - თავდაცვის, ფინანსთა და იუსტიციის მინისტრებს.
კანადა, ასევე, გააუქმებს რუსეთისთვის არსებულ საექსპორტო ნებართვებს და არ გასცემს ახალს.
როგორც ტრუდომ აღნიშნა, მთავრობა პრიორიტეტს მიანიჭებს უკრაინელების საიმიგრაციო განაცხადებს, რომლებსაც სურთ კანადაში გადასვლა და აამუშავებს სპეციალურ სატელეფონო ხაზს ყველასთვის, ვისაც აქვს გადაუდებელი კითხვები უკრაინიდან ემიგრაციაზე.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით. პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.
იხილეთ აგრეთვე:
📢 „ხარკოვში დაახლოებით 3000 რუსი სამხედროა მოკლული“ - უკრაინელი დეპუტატი
📢 „საკუთარ სისხლში იცურავებენ“ - ვალერი ზალუჟნი
📢 18 რუსული სადესანტო თვითმფრინავი კიევში ერთ საათში ჩაფრინდება - უახლესი ცნობები
📢 რუსეთის ძალები კიევს 96 საათში აიღებენ -Newsweek
📢 „თუ რუსების არტილერია დააზიანებს ბირთვული ნარჩენების კოლექტორებს, რადიოაქტიური მტვერი გავრცელდება უკრაინის, ბელარუსის და ევროკავშირის ქვეყნის ტერიტორიაზე“ - ანტონი გერაშენკო
📢 ბორის ჯონსონის სურვილს, რუსეთი ამოიღონ swift-ის გადახდების სისტემიდან, ოლაფ შოლცი არ ეთანხმება
📢 რუსები ჩერნობილის ატომური ელექტროსადგურის ხელში ჩაგდებას ცდილობენ - ზელენსკი
📢 როგორ ანადგურებს „ბაირაქტარი“ უკრაინაში რუსეთის შეიარაღებულ ძალებს (ვიდეო)
📢 „ვლადიმერ პუტინის ეს საშინელი და ბარბაროსული წამოწყება მარცხით უნდა დასრულდეს“ - ბორის ჯონსონი
