„ვლადიმერ პუტინის ეს საშინელი და ბარბაროსული წამოწყება მარცხით უნდა დასრულდეს“ - ბორის ჯონსონი
1645710764
ბრიტანეთის პრემიერ-მინისტრი ბორის ჯონსონი უკრაინაში განვითარებულ მოვლენებს გამოეხმაურა.
„გაერთიანებული სამეფო თვალს არ აშორებს რუსეთის „საშინელ და ბარბაროსულ“ თავდასხმას უკრაინაზე“, - აცხადებს ბორის ჯონსონი.
როგორც პრემიერ-მინისტრმა აღნიშნა, პრეზიდენტმა ვლადიმერ პუტინმა წამოიწყო „დიდი შეჭრა ხმელეთით, ზღვით და ჰაერით“ პროვოკაციის გარეშე. ამიტომ, ჯონსონის თქმით, ბრიტანეთი რუსეთისთვის ეკონომიკური სანქციების „მასობრივი პაკეტის“ დაწესებას აპირებს.
ჯონსონის განცხადებით, უკრაინა არის თავისუფალი და დემოკრატიული ქვეყანა და გაერთიანებული სამეფო და მსოფლიო არ დაუშვებს ამ თავისუფლების ჩამოშლას.
„ჩვენი მისია ნათელია: დიპლომატიურად, პოლიტიკურად, ეკონომიკურად და საბოლოოდ სამხედრო თვალსაზრისით, ვლადიმერ პუტინის ეს საშინელი და ბარბაროსული წამოწყება მარცხით უნდა დასრულდეს“, - განაცხადა ჯონსონმა.
ბრიტანეთის პრემიერ-მინისტრმა უკრაინელ ხალხს მიმართა: „ამ აგონიის მომენტში ჩვენ თქვენთან ვართ, ვლოცულობთ თქვენთვის და თქვენი ოჯახებისთვის“, - განაცხადა ჯონსონმა.
გარდა უკრაინელებისა, ჯონსონმა რუს ხალხსაც მიმართა: „არ მჯერა, რომ ეს ყველაფერი თქვენი სახელით გაკეთდა, ან რომ თქვენ გსურთ გარიყულის სტატუსი, რომელსაც ეს ომი პუტინის რეჟიმს მოუტანს“, - განაცხადა ბორის ჯონსონმა.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით. პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.
იხილეთ აგრეთვე:
📢 „მსოფლიო ლიდერებო, თუ დღეს არ დაგვეხმარებით, ხვალ ომი თქვენს კარზე დააკაკუნებს“ - ვოლოდიმირ ზელენსკი
📢 „უკვე მოვამზადეთ ასი თვითმფრინავი და არიან მზადყოფნაში“ - ნატო-ს გენერალური მდივანი
📢 უკრაინელებმა კიდევ 3 რუსული ვერტმფრენი გაანადგურეს
📢 უკრაინელებმა რუსი სამხედროები ტყვედ აიყვანეს
📢 კიევთან ახლოს სამხედრო ობიექტი ფრთოსანი რაკეტებით დაიბომბა - გერაშენკო
📢 „ნაძირლებო! ჩვენი ძალები ამ ოპერაციაში არანაირ მონაწილეობას არ იღებენ“ - ლუკაშენკო
📢 ოკუპანტების კიდევ 4 ტანკი დაიწვა და მე-6 თვითმფრინავი განადგურდა - უახლესი ინფორმაცია
📢 უკრაინელები კონტრშეტევაზე გადადიან - მოკლულია 50-მდე რუსი სამხედრო
📢 როგორ დაესხა თავს რუსეთი უკრაინას - უკრაინის შეიარაღებული ძალების გენერალური შტაბის განცხადება
📢 ლუგანსკის რაიონში რუსებმა ორი სოფელი აიღეს და ააფეთქეს სატელევიზიო ანძა ლუცკში - უკრაინული მედია
