ლუგანსკის რეგიონში მესაზღვრეებმა მტრის შეტევა მოიგერიეს და არტილერისტი ტყვედ აიყვანეს

1649578326

ლუგანსკის რაიონში მესაზღვრეებმა მოიგერიეს მტრის თავდასხმა და ტყვედ აიყვანეს არტილერისტი. ამის შესახებ ინფორმაციას უკრაინის სახელმწიფო სასაზღვრო სამსახური ავრცელებს.

უკრაინელი ოფიცრის თქმით, ეს რუსი დამპყრობლების თავდასხმის უკვე მეოთხე მცდელობაა.

ამჯერად, ისინი ცდილობდნენ, მალულად შეპარულიყვნენ უკრაინელი მებრძოლების პოზიციებზე. მესაზღვრეები დაუპატიჟებელ „სტუმრებს“ ტყვიით გულუხვად დახვდნენ.

„რამდენიმე დამპყრობელი დარჩა უკრაინის შავი ნიადაგის გასანაყოფიერებლად. ერთი დაჭრილი ითხოვდა, არ ესროლათ მისთვის და დანებდა. ტყვემ აღიარა, რომ 2019 წლიდან არტილერისტად მსახურობს. მონაწილეობდა თუ არა იგი უკრაინელი მშვიდობიანი მოსახლეობის დაბომბვაში, ჯერ გასარკვევია“, - წერს სახელმწიფო სასაზღვრო სამსახური.