ნორვეგია უკრაინას 2 000 ტანკსაწინააღმდეგო ყუმბარმტყორცნს გაუგზავნის
1646118586
ნორვეგიის მთავრობამ პოლიტიკა შეცვალა. ხელისუფლების გადაწყვეტილებით ნორვეგია უკრაინას 2 000 ტანკსაწინააღმდეგო ყუმბარმტყორცნს გაუგზავნის. ამის შესახებ ინფორმაციას დასავლური მედიასაშუალებები ავრცელებენ.
გადაწყვეტილება, რომელიც ნორვეგიის ხელისუფლებამ მიიღო, ცვლის ნორვეგიის პოლიტიკას, რომელიც მოქმედებს 1950-იანი წლებიდან და ნატოს არაწევრი ქვეყნებისთვის, რომლებიც იმყოფებიან ომში ან შეიარაღებული კონფლიქტის საფრთხის წინაშე, იარაღის არ გაგზავნას ითვალისწინებს.
„ნორვეგიას აქვს მკაცრი სამხედრო ტექნიკის საექსპორტო პოლიტიკა, მაგრამ უკრაინა ახლა განსხვავებული გარემოებების წინაშე დგას“, - განაცხადა ნორვეგიის პრემიერ მინისტრმა იონას გაჰრ სტერემ.
ნორვეგია უკრაინას 2000-მდე M72 ტანკსაწინააღმდეგო ყუმბარმტყორცნებს გადასცემს, ნათქვამია მთავრობის განცხადებაში.
შეგახსენებთ, 24 თებერვალს, დილის 5:00 საათზე, რუსეთის ფედერაციის შეიარაღებულმა ძალებმა დაიწყეს უკრაინის შეიარაღებული ძალების ქვედანაყოფების ინტენსიური დაბომბვა უკრაინის აღმოსავლეთით.
პარალელურად, რუსეთმა სახელმწიფო საზღვრის გასწვრივ უკრაინის ტერიტორიისა და დასახლებების დაბომბვა დაიწყო.
უკრაინის საზღვრის მთელ პერიმეტრზე დილიდან მძიმე ბრძოლები მიმდინარეობს.
ამავე თემაზე:
👉 „უკრაინელები რუსებს უჩვენებენ განსხვავებას თავისუფალ ადამიანებსა და მონებს შორის“ - რეზნიკოვი
👉 პუტინს შავი ქამარი ჩამოერთვა
👉 კიევის ოლქში სამშობიაროს რუსული ჭურვი მოხვდა
👉 აშშ-ის სენატში პუტინის ფსიქიკური მდგომარეობის საკითხი განიხილეს
👉 დაბომბვის გამო მარიუპოლი ელექტროენერგიის გარეშე დარჩა
👉 რუსეთისა და ბელარუსის ნაკრებები და კლუბები სარაგბო ტურნირებზე მონაწილეობას ვეღარ მიიღებენ
