ოკუპანტებმა ხარკოვი ახალი ტიპის ბომბებით დაბომბეს - ჭურვებს პარაშუტით ყრიან

1649536502

რუსმა სამხედროებმა ხარკოვი ახალი ტიპის ბომბებით დაბომბეს, - ამის შესახებ ხარკოვის მერმა იგორ ტერეხოვმა განაცხადა.

ტერეხოვის თქმით, ბოლო ორი დღეა რუსები ჭურვებს ქალაქში პარაშუტის გამოყენებით ყრიან.

„ბოლო ორი დღეა, ნაღმებთან, ჭურვებთან ერთად, ხარკოვი იბომბება ახალი ტიპის ბომბებით. რუსი აგრესორი მათ პარაშუტით აგდებს“, - აცხადებს ხარკოვის მერი.

მერმა ქალაქის მოსახლეობას მოუწოდა, არავითარ შემთხვევაში არ მიუახლოვდნენ მსგავს პარაშუტებს და სასწრაფოდ შეატყობინონ მაშველებს.

ცნობისთვის, ომის დაწყებიდან 1,5 თვის განმავლობაში რუსეთის არმიამ ქალაქში 1716 საცხოვრებელი კორპუსი გაანადგურა.

აგრეთვე დაგაინტერესებთ:

👉 კიევში ბორის ჯონსონი ჩავიდა