რუსეთი შეტევისთვის ემზადება, შეტევის სავარაუდო მიმართულება ლუგანსკის ოლქში სვატოვე-კრემინას ხაზი შეიძლება იყოს - ISW
1674710426
რუსეთის ძალებს შეუძლიათ განახორციელონ შეზღუდული შეტევები ფრონტის ხაზის უმეტეს ნაწილზე, რათა შეიარაღებული ძალების ყურადღება გადაიტანოს ლუგანსკის რეგიონში გადამწყვეტი შეტევითი ოპერაციის დაწყებამდე, - ამის შესახებ RBC-Ukraine ომის კვლევის ინსტიტუტზე (ISW) დაყრდნობით იუწყება.
ანალიტიკოსების აზრით, ბოლო რამდენიმე დღის განმავლობაში, რუსეთის ჯარებმა განაახლეს შეზღუდული სახმელეთო შეტევები ფრონტის ორ მთავარ რაიონზე - ზაპოროჟიეს ოლქის ცენტრში და დონეცკის ოლქის დასავლეთით.
ეს შეზღუდული თავდასხმები, გრძელდება იმ დროს, როდესაც, ბახმუტის ირგვლივ რუსული ოპერაციების ტემპი შენელდება, რაც შესაძლოა ამ ქალაქისთვის ბრძოლის კულმინაციაზე მიუთითებდეს.
„ვაგნერის PMC-მა ვერ შეასრულა დაპირება ბახმუტის აღების შესახებ და ვერ შეძლო წინსვლა სოლედარში. ამიტომ, რუსეთის სამხედრო ხელმძღვანელობამ, სავარაუდოდ, გადაწყვიტა უარი ეთქვა ბახმუტის გარშემო ოპერაციებზე“, - ნათქვამია მოხსენებაში.
ექსპერტების თქმით, რუსული ჯარების განლაგება ფრონტის ხაზის გასწვრივ ლუგანსკის ოლქში შეიძლება მიუთითებდეს იმაზე, რომ ამ რაიონში რუსეთი შეტევისთვის ემზადება.
რუსეთის შეტევითი მოქმედებების ყველაზე სავარაუდო მიმართულება ლუგანსკის რეგიონში შეიძლება იყოს სვატოვე-კრემინას ხაზი.
ანალიტიკოსები აღნიშნავენ, რომ რუსეთის ძალებს შესაძლოა, იმედი ჰქონდეთ, რომ დაიკავებენ კრიტიკულ ზონას დონეცკის რეგიონის ჩრდილოეთ ნაწილში ლიმანის გარშემო და გამოიყენებენ სვატოვე-კრემინას ხაზს შემდგომი თავდასხმებისთვის ხარკოვის დასავლეთ ნაწილზე ან დონეცკის რეგიონის ჩრდილოეთ ნაწილზე.
„თუმცა, უკიდურესად საეჭვოა, რომ რუსული ძალები ამ მიმართულებით მნიშვნელოვან წინსვლას შეძლებენ, თუნდაც წარმატებულ შეტევითი ოპერაცია წამოიწყონ ამ ტერიტორიაზე“, - აღნიშნავენ ექსპერტები.
აგრეთვე წაიკითხეთ:
👉 ლეოპარდ-2 - რა შეუძლია ამ საბრძოლო მანქანას და რატომ არის სახიფათო ის რუსეთისთვის - BBC
👉 რატომ სჭირდებათ ქვეყნებს გერმანიის ნებართვა უკრაინაში „ლეოპარდის“ ტანკების გასაგზავნად?
👉 „პოდოლიაკის განცხადება რუსეთის მიერ არჩეული გზის სისწორეს ადასტურებს“ - პესკოვი
