რატომ სჭირდებათ ქვეყნებს გერმანიის ნებართვა უკრაინაში „ლეოპარდის“ ტანკების გასაგზავნად?
1674642024
გერმანიის მთავარი საბრძოლო ტანკი „ლეოპარდ 2“, რომელიც კომპანია Rheinmetall-ის მიერ არის წარმოებული, ევროპაში ყველაზე პოპულარული ტანკია.
👉 გერმანიამ უკრაინაში „ლეოპარდების“გაგზავნის გადაწყვეტილება მიიღო - Spiegel
გერმანიისგან „ლეოპარდ 2“ 10-ზე მეტმა ქვეყანამ იყიდა, რომელთაგან ზოგიერთი, პოლონეთი და ფინეთი, მზად არიან, რომ ისინი უკრაინაში ახლავე გაგზავნონ, თუმცა ამ ყველაფრის განხორციელებას ხელს ერთი რამ უშლის:
გერმანიის საექსპორტო რეგულაციების თანახმად, ქვეყნებს, რომლებიც ყიდულობენ მის ტანკებს, მესამე სახელმწიფოსთვის ტანკების გადაცემისთვის გერმანიის მთავრობის რეექსპორტის ლიცენზია ესაჭიროებათ.
მსგავსი რეგულაციები შეერთებულ შტატებსაც აქვს, რათა არასასურველ ქვეყნებში თავისი ტანკების რეექსპორტი აღკვეთოს.
უკრაინელებს სასწრაფოდ სჭირდებათ მინიმუმ 300 თანამედროვე დასავლური ტანკი, რათა რუსეთის საგაზაფხულო შეტევა მოიგერიონ და კონტრშეტევა წამოიწყონ.
გერმანიის კანცლერმა ოლაფ შოლცმა მანამდე განაცხადა, რომ გერმანიის მიერ უკრაინაში „ლეოპარდ 2“-ის ტანკების გაგზავნამდე აშშ-მა კიევისთვის „აბრამსის“ ტიპის ტანკების გადაცემას მწვანე შუქი უნდა აუნთოს.
გერმანიაზე დასავლეთისგან ზეწოლა ბოლო დღეების განმავლობაში გაძლიერდა. ტანკების გადაცემის შესახებ საბოლოო გადაწყვეტილებას შოლცი დღეს პარლამენტის წინაშე გამოაცხადებს.
ასევე დაგაინტერესებთ:
👉 რუსეთმა დეპორტირებული უკრაინელების მობილიზება დაიწყო - ლუგანსკის სამხედრო ადმინისტრაცია
👉 საჰაერო განგაში მთელს უკრაინაში - რუსებმა ბელორუსიაში მოიერიშე თვითმფრინავები გაუშვეს
