რუსეთმა ესტონეთის საზღვარზე ათასამდე უკრაინელი გაიტაცა - უკრაინული მედია
1665042435
„რუსეთ-ესტონეთის საზღვართან, რუსეთის მხარეს, ბოლო დღეების განმავლობაში ათასზე მეტი ადამიანი, ძირითადად უკრაინელები, შეიკრიბა. მათ ესტონეთში შესვლას ხელი რუსეთის ხელისუფლებამ შეუშალა, რის გამოც სასაზღვრო პროცედურები გაჭიანურდა“, - ამის შესახებ უკრაინული მედია UNIAN წერს.
ესტონეთის შინაგან საქმეთა მინისტრის, ლაური ლაენემეცას თქმით, რუსებმა ეს ადამიანები გაურკვეველ მიმართულებით წაიყვანეს.
„ჩასვეს სატვირთო მანქანებში და წაიყვანეს, სად წაიყვანეს, ჩვენ არ ვიცით, პოლიცია და საზღვრის დაცვის დეპარტამენტი ამჟამად მუშაობს ამ ინფორმაციის მოსაპოვებლად“, - დასძინა მან.
ეს ხალხი საზღვრის გადაკვეთის შესაძლებლობას რამდენიმე დღე ელოდა. სასაზღვრო სამსახური იყენებს დრონებს, რათა გაარკვიოს, აგზავნის თუ არა რუსეთის ხელისუფლება ამ ადამიანებს სასაზღვრო ზოლისკენ, როგორც ეს ბელარუსში, ლიეტუვასა და ლატვიის საზღვართან, გასულ წელს გააკეთეს.
ასევე დაგაინტერესებთ:
👉 გათავისუფლებულ ლიმანში სამოქალაქო პირების 50-ზე მეტი სამარხი აღმოაჩინეს - უკრაინული მედია
👉 „გუშინ მისი გულის ცემა იყო ისეთი, პულსი 170, წნევა 220“ - გიული ალასანია მიხეილ სააკაშვილზე
👉 „უკრაინის წევრობა ალიანსს მხოლოდ გააძლიერებს“ - ანდრეი ერმაკი ნატოში გაწევრიანებაზე
