რუსმა ოკუპანტებმა ხერსონში სათამაშოებიც კი დანაღმეს - უკრაინის შს მინისტრის მრჩეველი
1669358484
უკრაინის შინაგან საქმეთა მინისტრის მრჩევლის როსტისლავ სმირნოვის თქმით, ხერსონიდან უკან დახევის დროს რუსმა ოკუპანტებმა უამრავი ობიექტი და ნივთი, მათ შორის საბავშვო სათამაშოებიც კი დანაღმეს.
შსს-ს ხელმძღვანელის მრჩეველმა, როსტისლავ სმირნოვმა განაცხადა, ხერსონში ნაღმების აღმოჩენის მასშტაბები უკიდურესად დიდია.
„ახლა მთავარი აქცენტი კეთდება განაღმვაზე. დანაღმვის მასშტაბი უკიდურესად დიდია. ნაღმები საბავშვო სათამაშოებში, ფეხბურთის ორ ბურთს შორისაც კი იყო დადებული“, - აღნიშნა სმირნოვმა.
შს მინისტრის მრჩევლის თქმით, ხერსონის დეოკუპირებულ ტერიტორიაზე მაშველებმა უკვე 5 000-ზე მეტი ასაფეთქებელი მოწყობილობა გააუვნებელყვეს.
აგრეთვე წაიკითხეთ:
👉 „დამარცხებულთა შურისძიებაა“ - ზელენსკი ხერსონის საჰაერო დარტყმებზე
