„ჩრდილოეთ ნაკადის“ მილსადენებზე გაჟონვის ადგილის მახლობლად, რუსეთის სამხედრო-საზღვაო ფლოტის გემები დააფიქსირეს - CNN
1664438163
CNN-ის ინფორმაციით, ევროპის უსაფრთხოების სამსახურების წარმომადგენლებმა „ჩრდილოეთ ნაკადის“ მილსადენებზე მომხდარი გაჟონვის ადგილის მახლობლად 26 და 27 სექტემბერს რუსეთის სამხედრო-საზღვაო ფლოტის გემები დააფიქსირეს.
როგორც გამოცემა წერს, გაურკვეველია, ჰქონდათ თუ არა გემებს რაიმე კავშირი წყალქვეშა აფეთქებებთან, რომელმაც, სავარაუდოდ, მილსადენებიდან გაზის გაჟონვა გამოიწვია.
„რუსული წყალქვეშა ნავები ასევე დაფიქსირდა გასულ კვირას ამ ტერიტორიებიდან არც თუ ისე შორს“, - განაცხადა დაზვერვის ერთ-ერთმა წარმომადგენელმა.
როგორც CNN წერს, სამმა ამერიკელმა ოფიციალურმა პირმა განაცხადა, რომ აშშ-ს ჯერ არ აქვს საფუძვლიანი ახსნა იმის შესახებ, რაც მოხდა.
ცნობისთვის, „ჩრდილოეთის ნაკადი 1-სა“ და „ჩრდილოეთის ნაკადი 2-ის“ მილსადენებიდან ბალტიის ზღვაში, დანიისა და შვედეთის ტერიტორიულ წყლებში გაზის გაჟონვა მოხდა. აშშ-ისა და ევროპის ქვეყნების ოფიციალური პირების განცხადებით, ეს არის დივერსიული აქტი.
ასევე დაგაინტერესებთ:
