გერმანია უკრაინას „ლეოპარდ-1“-ის ტიპის 178 ტანკს გადასცემს
1675838672
გერმანიის მთავრობამ უკრაინისთვის „ლეოპარდ-1“-ის ტიპის 178 ტანკის გადაცემას მხარი დაუჭირა. ამის შესახებ „ეხო კავკაზა“ იუწყება.
ამ მოდელის 20-ზე მეტი ტანკი უკრაინაში გასაგზავნად მზად ზაფხულისთვის უნდა იყოს. მანამდე ტანკებს რემონტი უნდა ჩაუტარდეს. მათი ნაწილი სამხედრო-სამრეწველო კომპლექსის საწარმოებში ან მსხვილ საწყობებში ინახება.
კიდევ 88 „ლეოპარდ-1“-ს უკრაინას იტალია გაუგზავნის. ამ საბრძოლო მანქანებს გერმანული კონცერნი Rheinmetal შეიძენს და ტანკებს აუცილებელ ტექნიკურ მომსახურებას ჩაუტარებს. აღნიშნული პროექტი უკრაინის ჯარის დახმარების ფონდიდან დაფინანსდება.
გერმანულმა არმიამ „ლეოპარდ-1“-ის გამოყენება 2003 წელს შეწყვიტა და ის „ლეოპარდ-2“-ით შეცვალა. ახალი ტანკი ბევრად უკეთ არის დაცული და მას უფრო მძლავრი შეიარაღება გააჩნია.
რაც შეეხება „ლეოპარდ2-ის ტიპის ტანკებს, პირველი მანქანები უკრაინაში მარტის ბოლოს უნდა ჩავიდეს.
