ისრაელის მიმართულებით ლიბანის ტერიტორიიდან სულ მცირე 34 რაკეტა გაისროლეს
1680801023
ისრაელის მიმართულებით ლიბანის ტერიტორიიდან სულ მცირე 34 რაკეტა იქნა გასროლილი, მათგან 25 საჰაერო თავდაცვის სისტემამ ჩამოაგდო, ხოლო 5 ისრაელის ტერიტორიაზე ჩამოვარდა. ამის შესახებ ისრაელის არმიაზე დაყრდნობით aljazeera იტყობინება.
„ლიბანიდან ისრაელის ტერიტორიაზე რაკეტები გაუშვეს, რაც წარმატებით იქნა ჩამოგდებული“, - ნათქვამია ისრაელის განცხადებაში.
სარაკეტო თავდასხმას ისრაელის მხრიდან რეაგირება მოჰყვა.
ებრაულმა მხარემ საარტილერიო ცეცხლი გახსნა, მსხვერპლის შესახებ ინფორმაცია არ ვრცელდება.
ისრაელის სამხედრო სპიკერმა სარაკეტო თავდასხმაში პალესტინის შეიარაღებული დაჯგუფება „ჰამასი“ დაადანაშაულა და აღნიშნა, რომ ლიბანის მთავრობა პასუხისმგებელია ნებისმიერი რაკეტის გასროლაზე მისი ტერიტორიიდან.
„ჩვენ ვიძიებთ ირანის მონაწილეობის შესაძლებლობას ლიბანის სარაკეტო სროლაში“, - დასძინა ავიჩაი ადრეიმ.
ასევე დაგაინტერესებთ:
