ჯო ბაიდენმა უკრაინაში ელჩის პოსტზე ბრიჯიტ ბრინკის კანდიდატურა წარადგინა - ვინ არის ის?
1650887238
აშშ-ის პრეზიდენტმა ჯო ბაიდენმა უკრაინაში საგანგებო და სრულუფლებიანი ელჩის პოსტზე ბრიჯიტ ბრინკის კანდიდატურა წარადგინა. ამის შესახებ თეთრი სახლის პრესსამსახური იტყობინება.
ბრიჯიტ ბრინკი არის უმაღლესი საგარეო სამსახურის წევრი და ამჟამად არის აშშ-ის ელჩი სლოვაკეთის რესპუბლიკაში. მანამდე ის მსახურობდა აშშ-ის სახელმწიფო დეპარტამენტის ევროპისა და ევრაზიის საკითხთა ბიუროში უფროსი მრჩევლისა და მდივნის თანაშემწის მოადგილედ.
ის, ასევე, მსახურობდა მისიის უფროსის მოადგილედ აშშ-ის საელჩოებში ტაშკენტსა და თბილისში. ბრინკმა 25 წლიანი კარიერა საგარეო სამსახურში გაატარა, ფოკუსირებული იყო აშშ-ს პოლიტიკის წინსვლაზე ევროპასა და ევრაზიაში.
აშშ-ს უკრაინაში მუდმივი ელჩი 2019 წლიდან არ ჰყოლია.
მანამდე, ცნობილი გახდა, რომ შეერთებული შტატები მალე დააბრუნებს თავის დიპლომატებს კიევში, ასევე, გამოყოფს ახალ სახსრებს სამხედრო საჭიროებისთვის.
აგრეთვე წაიკითხეთ:
✔️ უკრაინის საჰაერო თავდაცვამ ხარკოვის რეგიონში რუსული სუ-34 გაანადგურა
✔️ 5-10 წელიწადში რუსეთისგან ახალი ომი იქნება მოსალოდნელი - ლიტვის შეიარაღებული ძალების მეთაური
