მორავეცკის თქმით, ვარშავამ უკრაინას „ლეოპარდის“ ტანკები, შესაძლოა, გერმანიის ნებართვის გარეშე გადასცეს
1674205395
პოლონეთის პრემიერ-მინისტრი მატეუშ მორავეცკი არ გამორიცხავს, რომ ვარშავამ უკრაინას Leopard 2-ის ტანკები გერმანიის ნებართვის გარეშე გადასცეს. ინფორმაციას „როიტერი“ ავრცელებს.
ვარშავა და ნატოს სხვა მოკავშირეები მოუწოდებენ გერმანიას, მისცენ ნება მოკავშირეებს გერმანული წარმოების Leopard 2-ის ტანკები უკრაინას გაუგზავნონ.
„თანხმობას აქვს მეორეხარისხოვანი მნიშვნელობა. ჩვენ ან სწრაფად მივიღებთ ამ თანხმობას, ან თავად გავაკეთებთ, რაც საჭიროა“, - განაცხადა მატეუშ მორავეცკიმ.
მანამდე პოლონეთი აცხადებდა, რომ უკრაინას ტანკებს კოალიციის ფარგლებში გადასცემდა.
აგრეთვე წაიკითხეთ:
✔️ რუსეთი ოკუპირებულ ყირიმში ფარული მობილიზაციისთვის ემზადება
