„მოვუწოდებთ აშშ-ის საელჩოს პასუხისმგებლობიანი პოზიცია გამოიჩინოს“ - აზერბაიჯანის საგარეო უწყება
1664085363
აზერბაიჯანის საგარეო საქმეთა სამინისტრო სომხეთში აშშ-ის საელჩოს მიერ მიმდინარე წლის 23 სექტემბერს გაკეთებულ განცხადებას პასუხობს.
აზერბაიჯანის საგარეო უწყება აშშ-ის საელჩოს მიმართავს და პასუხისმგებლობიანი პოზიციის გამოჩენისკენ მოუწოდებს.
„ძალიან სამწუხაროა სომხეთში აშშ-ის საელჩოს მიერ მიმდინარე წლის 23 სექტემბერს სომხეთის საზოგადოებრივი ტელევიზიის ეთერში გაკეთებული ცალმხრივი და დამახინჯებული განცხადება. ჩვენ მოვუწოდებთ აშშ-ის საელჩოს, გამოიჩინოს პასუხისმგებლობიანი პოზიცია ასეთ სენსიტიურ საკითხებზე და თავი შეიკავოს სომხეთის სასარგებლოდ ცალმხრივი განცხადებებისგან“, - ნათქვამია განცხადებაში.
ამავე განცხადების თანახმად, ასეთი მიდგომა ხელს უწყობს სეპარატისტულ წრეებს, ზრდის დაძაბულობას რეგიონში და არ ემსახურება რეგიონში მშვიდობის დღის წესრიგის წინსვლას.
ამავე თემაზე:
🔴 „მსოფლიომ სომეხთა გენოციდი უნდა აღიაროს“ - ნენსი პელოსი
🔴 აზერბაიჯანს მომენტის გამოყენება და კავკასიიდან რუსეთის შევიწროება სურს - პაატა ზაქარეიშვილი
