„მსჯავრდებულები გადაიბირა“ - ნავალნი აცხადებს, რომ ევგენი პრიგოჟინი კოლონიაში მსჯავრდებულებთან მივიდა
1671628499
რუსი ოპოზიციონერი, კრემლის ლიდერის ერთ-ერთი ოპონენტი ალექსეი ნავალნი ინსტაგრამზე იტყობინება, რომ კერძო სამხედრო კამპანიის „ვაგნერის“ დამფუძნებელი ევგენი პრიგოჟინი იმ კოლონიაში მივიდა, სადაც თავად იხდის სასჯელს.
ნავალნის თქმით, პრიგოჟინმა ვიზიტის დროს მოახერხა დაახლოებით 80-90 ადამიანის გადაბირება.
„თურმე, პუტინის მზარეული პრიგოჟინიც მოვიდა ჩემს კოლონიაში, რათა მსჯავრდებულები გადაიბიროს და თავის სამხედრო კომპანიაში წაიყვანოს. პრიგოჟინი დაბალი და მელოტია“, - განაცხადა ნავალნიმ და თქვა, რომ პრიგოჟინი მსჯავრდებულებს შეწყალებას დაჰპირდა.
ზუსტად როდის იყო პრიგოჟინის ვიზიტი კოლონიაში, ნავალნის არ დაუკონკრეტებია.
ინფორმაციისთვის, ალექსეი ნავალნი სასჯელს მკაცრი რეჟიმის კოლონიაში იხდის.
ასევე დაგაინტერესებთ:
✔️ განახლებული „მოსკვიჩი 3“ თითქმის 30 ათასი დოლარი ეღირება
✔️ არ ვთვლი, რომ ზელენსკის განცხადება ქვეყნის შიგნით ფუნდამენტურ ძვრებს გამოიწვევს - ვახტანგ ძაბირაძე
✔️ სახელმწიფო დუმამ თვითდასაქმებულ რუსებს სოკოს და ველური მცენარეების დაკრეფის უფლება მისცა
✔️ კრემლი ლუკაშენკოსგან დათმობებს ითხოვს - ISW
✔️ მალხაზ ურთქმელიძე: მიხეილ სააკაშვილის ორგანიზმში ტოქსიკური ნივთიერება მომწამლავი რაოდენობით არ არის
