პოსტსაბჭოთა სივრცეში რუსეთის გავლენის ნარჩენების გამყარებას ცდილობდა - ვადიმ დენისენკო პუტინის მიერ დსთ-ს სამიტის მოწვევაზე
1672221570
უკრაინის შინაგან საქმეთა მინისტრის მრჩევლის ვადიმ დენისენკომ კრემლის ლიდერის მიერ დსთ-ს ლიდერების მოწვევისა და არაფორმალურად ჩატარებული სამიტის გამართვის მიზეზების შესახებ ისაუბრა.
დენისენკო აცხადებს, პუტინმა დსთ-ს წევრი ქვეყნების სამიტი ჩაატარა, რადგან ესმის, რომ პოსტსაბჭოთა სივრცე მისგან გვერდის ავლას იწყებს.
„მას კარგად ესმის, რომ პოსტსაბჭოთა სივრცე მისგან გვერდის ავლას იწყებს. მას ესმის რომ რუსეთისგან ყველა იწყებს გაქცევას და ყველას სურს დამოუკიდებელი მოთამაშე იყოს“, - აცხადებს დენისენკო.
დენისენკომ ხაზგასმით აღნიშნა, რომ სამიტი თავისთავად უმნიშვნელო იყო და შედეგად არანაირი გადაწყვეტილება არ მიუღიათ.
„პუტინი ცდილობდა ყველა მონაწილესთან ესაუბრა, რათა როგორმე გაემყარებინა რუსეთის გავლენის ნარჩენები პოსტსაბჭოთა სივრცეში“, - აცხადებს დენისენკო.
26 დეკემბერს სანქტ-პეტერბურგში დსთ-ს ხელმძღვანელთა არაფორმალური სამიტი გაიმართა. შეხვედრის შემდეგ, რუსეთის პრეზიდენტმა პუტინმა მონაწილეებს ბეჭდები გადასცა დსთ-ს სიმბოლოებით და წარწერით „გილოცავთ ახალ 2023 წელს“.
ასევე დაგაინტერესებთ:
👉 რომში მცხოვრებმა ქალმა ქმრის მიერ დამალული 20 000 ევროს ღირებულების ფასიანი ქაღალდები დაწვა
👉 წყალდიდობას ფილიპინებში სულ მცირე 25 ადამიანი ემსხვერპლა, 26 დაკარგულად მიიჩნევა
👉 გაერო - უკრაინაში ომის დაწყების შემდეგ 6884 მშვიდობიანი მოქალაქე დაიღუპა
👉 უკრაინაში ომის დინამიკის პროგნოზირება რთულია - ედგარს რინკევიჩი
