„სპეციალური სამხედრო ოპერაციის“ ფარგლებში მობილიზებულ ოკუპანტებს სპერმის უფასოდ გაყინვის შესაძლებლობა ექნებათ
1672211879
პროსამთავრობო TASS-თან საუბარში რუსეთის იურისტთა კავშირის საზოგადოებრივი ორგანიზაციის პრეზიდენტმა იგორ ტრუნოვმა თქვა, რომ უკრაინაში „სპეციალური სამხედრო ოპერაციის“ ფარგლებში გაწვეულ რუს ჯარისკაცებს სპერმის უფასოდ გაყინვის შესაძლებლობა ექნებათ.
ამასთან, მედიასაშუალება წერს, ნაწილობრივი მობილიზაციის ფარგლებში სამხედრო სამსახურში გამოძახებული ოჯახები უნაყოფობის სამკურნალოდ უფასო კვოტას მიიღებენ.
„რუსეთის ფედერაციის მთავრობის თავმჯდომარისადმი ჩემს მიმართვაზე პასუხი მივიღეთ, გენეტიკური მასალის უფასო კრიობანკის შექმნისა და სავალდებულო სამედიცინო დაზღვევის სისტემაში ცვლილებების შესახებ“, - აცხადებს ადვოკატი.
„რუსეთის ფედერაციის ჯანდაცვის სამინისტრომ განსაზღვრა ფედერალური ბიუჯეტის ფინანსური მხარდაჭერის შესაძლებლობა ჩანასახოვანი უჯრედების უფასო კონსერვაციისა და შენახვისთვის“, - წერს მედიასაშუალება.
ასევე დაგაინტერესებთ:
👉 უკრაინაში ომის დინამიკის პროგნოზირება რთულია - ედგარს რინკევიჩი
