დავით უსუფაშვილი ოლექსი დანილოვზე: როდესაც საქართველო ომში იყო რუსეთთან 2008 წელს, არ მახსენდება ვინმესთვის მიგვემართა, რომ ომი წამოეწყო
1659534601
პარტია „ლელოს“ წევრი დავით უსუფაშვილი უკრაინის უშიშროების საბჭოს მდივნის ოლექსი დანილოვის განცხადებას გამოეხმაურა, რომელმაც თქვა, „დღესაც მიმაჩნია, რომ თუ საქართველო აფხაზეთსა და ცხინვალის რეგიონს საკუთარ ტერიტორიებად მიიჩნევს, შეუძლია, დაიცვას საკუთარი მიწები“.
„მსოფლიოში 8 მილიარდი ადამიანია, აქედან რამდენიმე ათეული მილიონი საქართველოთია დაინტერესებული და ყოველი მათგანის პოზიცია არ შეიძლება ჩვენთვის იყოს სერიოზული და სერიოზულად განსახილველი. საქართველოს ოკუპირებულ ტერიტორიებთან დაკავშირებით პოზიცია აქვს ძალიან მკაფიო და მყარი, რაც გაზიარებულია საერთაშორისო საზოგადოების მიერ, რომ არ ხდება ამ ტერიტორიების აღიარება არც დამოუკიდებელ სახელმწიფოებად და არც სახელმწიფოს ნაწილად, ეს ერთი და მეორე, ჩვენ გვაქვს ძალიან სერიოზული განაცხადი გაკეთებული მსოფლიოს წინაშე, აფხაზების წინაშე და ოსების წინაშე, რომ ჩვენ ძალის გამოყენებით არ შევეცდებით ამ პრობლემის გადაწყვეტას. გასაგებია ომში მყოფი ადამიანების შეძახილი იქიდან და აქედან, რომ იქნებ თქვენც დაგვეხმაროთ და რამე ვქნათ, მაგრამ როდესაც საქართველო ომში იყო რუსეთთან 2008 წელს, მე არ მახსენდება ვინმესთვის მიგვემართა, რომ ომი წამოეწყო“, - განაცხადა უსუფაშვილმა.
ცნობისთვის, უკრაინის უშიშროების საბჭოს მდივნის ოლექსი დანილოვის განცხადებით, თუ საქართველო აფხაზეთსა და ცხინვალის რეგიონს საკუთარ ტერიტორიად მიიჩნევს, შეუძლია, დაიცვას საკუთარი მიწები.
ასევე დაგაინტერესებთ:
👉 რა არის ტაივანი და რატომ სურს იგი ჩინეთს?
👉 ვოლოდიმირ ზელენსკიმ მთავრობას „ერთსქესიანთა ქორწინების“ შესახებ პეტიციის განხილვა დაავალა
